У пад'ездзе шматпавярховіка ў 2-м завулку Баграціёна, 19, дзіця пакусаў пацук. Цяпер дзяўчынка ў лякарні, дзе праходзіць курс прышчэпак ад шаленства, піша Tut.by. Пра тое, як гэта адбылося, распавядаюць бацькі.
Увечары ў пятніцу, 26 кастрычніка, 12-гадовая дзяўчынка вярталася дадому са школы. На восьмым паверсе, выйшаўшы з ліфта, яна ўбачыла пацука, які вылез са смеццеправода. Школьніца падышла да яго з цікаўнасці, а пацук скокнуў на дзіця і ўкусіў за палец.
Бацька пацярпелай дзяўчынкі Сяргей кажа, што пасля ўкусу пацука дачка спалохалася і некалькі гадзін не распавядала бацькам пра тое, што адбылося. Калі дарослыя ўсё ж даведаліся, што здарылася, раніцай павезлі яе ў шпіталь. Цяпер дзяўчынка праходзіць курс прышчэпак ад шаленства, які расцягнецца на 90 дзён.
«Прытым яшчэ за некалькі дзён да гэтага было некалькі выпадкаў, калі пацукі бегалі па паверхах. Больш за тое, суседзі штукі чатыры самі забілі», — кажа Сяргей.
Паводле яго слоў, пацукі падымаюцца на верхнія паверхі менавіта па смеццеправодзе.
«Шмат разоў звярталіся ў ЖЭС, апошні — літаральна за два ці тры дні да гэтага выпадку. Яны правялі нейкую спробу дэзынфекцыі. Але пацукі ў нас ва ўсім доме ўжо некалькі гадоў, суседзі два гады пішуць і просяць што-небудзь зрабіць. Але нічога не робіцца. Як бачыце, дайшло да таго, што пацукі пачалі нападаць», — распавядае мінчук.
Сяргей кажа, што ў бальніцы пра тое, што здарылася, паведамілі ў санэпідэмстанцыю Партызанскага раёна і мясцовую адміністрацыю.
«Спадзяюся, пасля гэтага сітуацыя зменіцца не толькі ў нашым пад'ездзе, але і ва ўсім доме», — кажа бацька пацярпелай дзяўчынкі.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары