Грамадства2525

У Віцебску вынеслі жорсткі прысуд Тэрор-машыне

Віцебскі абласны суд 3 сакавіка абвясціў прыcуд групе хлопцаў, якіх абвінавачвалі ў злосным хуліганстве і шэрагу іншых злачынстваў. Ключавы фігурант справы — 20-гадовы жыхар Віцебска Станіслаў Ганчароў, які ваяваў ва Украіне на баку АТА і вядомы па мянушцы Тэрор-машына, атрымаў 7 гадоў калоніі ўзмоцненага рэжыму. Разам з ім па справе праходзілі яшчэ сямёра хлопцаў ва ўзросце ад 18 да 22 гадоў. Іх суд прысудзіў да розных тэрмінаў — ад 1 года абмежавання волі да 6 гадоў пазбаўлення волі.

Працэс праходзіў у закрытым рэжыме і доўжыўся амаль тры месяцы — з сярэдзіны снежня мінулага года.

Станіслаў Ганчароў і яшчэ трое хлопцаў знаходзіліся пад вартай, чацвёра маладых людзей - пад падпіскай аб нявыездзе.

Ганчароў быў затрыманы за здзек з падлеткаў. На думку праваахоўных органаў, пачынаючы з 2012 года ён з'яўляўся нефармальным лідарам каляфутбольных груповак, заклікаў сваіх аднадумцаў да знявагі і збіцця людзей неславянскай знешнасці і падаваў у гэтым прыклад. Збіванням і здзекаванням падвяргаліся таксама падлеткі-беларусы.

Адзін з іх — пацярпелы 17-гадовы хлопец, распавёў пра падзеі двухгадовай даўніны, якія адбыліся ў Віцебску і якія сталі адным з эпізодаў на судовым разглядзе:

— Мне тады было 15 гадоў. Гэта адбылося на тэрыторыі каледжа. Пастралялі мне па нагах з пнеўматыкі. Яшчэ мяне прымушалі танцаваць, перадаваць прывітанне Украіне.

У 2013 годзе Ганчароў і футбольныя фанаты пад пагрозай гвалту прымусілі двух 13-гадовых падлеткаў адрачыся ад антыфашысцкага руху і прадэманстраваць нацысцкае прывітанне.

Ганчарова арыштавалі ў красавіку 2016 года, пасля таго як малады чалавек вярнуўся з Украіны дадому ў Віцебск. Яму інкрымінавалі злачынства па 4 артыкулах КК: злоснае хуліганства; распальванне расавай, нацыянальнай або рэлігійнай варожасці або розні; рабаванне; захоўванне з мэтай распаўсюджвання і распаўсюджванне прадметаў парнаграфічнага характару з выкарыстаннем інтэрнэту.

Выраб і распаўсюджванне прадметаў парнаграфічнага характару з выкарыстаннем інтэрнэту, а таксама злоснае хуліганства ставілася яшчэ аднаму фігуранту справы.

Некаторых хлопцаў вінавацілі і па іншых артыкулах Крымінальнага кодэкса, у прыватнасці, за прымус да выканання абавязацельстваў і ўцягванне непаўналетняга ў здзяйсненне злачынства.

Аднаму з хлопцаў абвінавачванне ў здзяйсненні асабліва злоснага хуліганства прад'явілі да дасягнення 16-гадовага ўзросту.

- Праблемы ў майго сына і ў астатніх хлопцаў пачаліся, калі Станіслаў Ганчароў прыехаў з Украіны. Аднак сын заўсёды станоўча адгукаўся пра Станіслава, казаў: «Ён добры хлопец». Наколькі я разумею, Ганчароў быў у іх кампаніі лідарам: хлопцы за ім, як шчанюкі, хадзілі, — дзялілася мама аднаго з абвінавачаных хлопцаў.

Каментары25

Цяпер чытаюць

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Усе навіны →
Усе навіны

«Абутак для сапраўдных патрыётаў»: беларуская фабрыка робіць для школьнікаў боты з чырвона-зялёнымі шнуркамі30

Якім будзе надвор'е ў апошні тыдзень лета

«Шэдэўры Малевіча» з-пад матраца пенсіянеркі. Кур'ёз у свеце мастацтва2

Трывожны званочак — патрэба выпіць зранку. Нарколаг расказаў, як зразумець, што вы алкаголік19

Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»

Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер11

Раку ў Белавежскай пушчы павярнулі ў рэчышча XIX стагоддзя2

У Нясвіжы выстаўляюцца творы беларускіх майстроў, вывезеных у Маскву. Тое, што яны ўмелі, рускім майстрам тады і не снілася25

Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня3

больш чытаных навін
больш лайканых навін

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2

«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?

Галоўнае
Усе навіны →

Заўвага:

 

 

 

 

Закрыць Паведаміць