Ужо ў гэтым месяцы колькасць насельніцтва Беларусі мае перавысіць 9,5 мільёна чалавек
Белстат апублікаваў дадзеныя аб дэмаграфічнай сітуацыі ў краіне на пачатак 2016 года.
Паводле папярэдніх падлікаў, колькасць насельніцтва Беларусі дасягнула 9 498 700 чалавек. За год лічба вырасла на 17873 чалавекі.
Калі тэндэнцыя захаваецца, то ўжо па выніках студзеня колькасць насельніцтва перавысіць 9,5 мільёна чалавек. Апошні раз такая лічба фіксавалася ў 2010 годзе. Максімальная ж колькасць беларусаў жыла ў 1994 годзе. Тады, у год прыходу да ўлады Аляксандра Лукашэнкі, насельніцтва складала 10,24 мільёна чалавек.
За кошт чаго адбываецца цяперашняе павялічэнне? Перадусім за кошт мігрантаў. Міграцыйны прырост склаў 18 494 чалавек. Едуць пераважна з Украіны, Расіі і Казахстана.
Але істотна скараціліся і натуральныя страты — да 620 чалавек. За 2015 год у Беларусі нарадзіліся рэкордныя 119 509 дзяцей. Колькасць памерлых пры гэтым склала 120.130 чалавек.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары