Užo ŭ hetym miesiacy kolkaść nasielnictva Biełarusi maje pieravysić 9,5 miljona čałaviek
Biełstat apublikavaŭ dadzienyja ab demahrafičnaj situacyi ŭ krainie na pačatak 2016 hoda.
Pavodle papiarednich padlikaŭ, kolkaść nasielnictva Biełarusi dasiahnuła 9 498 700 čałaviek. Za hod ličba vyrasła na 17873 čałavieki.
Kali tendencyja zachavajecca, to ŭžo pa vynikach studzienia kolkaść nasielnictva pieravysić 9,5 miljona čałaviek. Apošni raz takaja ličba fiksavałasia ŭ 2010 hodzie. Maksimalnaja ž kolkaść biełarusaŭ žyła ŭ 1994 hodzie. Tady, u hod prychodu da ŭłady Alaksandra Łukašenki, nasielnictva składała 10,24 miljona čałaviek.
Za košt čaho adbyvajecca ciapierašniaje pavialičeńnie? Pieradusim za košt mihrantaŭ. Mihracyjny pryrost skłaŭ 18 494 čałaviek. Jeduć pieravažna z Ukrainy, Rasii i Kazachstana.
Ale istotna skaracilisia i naturalnyja straty — da 620 čałaviek. Za 2015 hod u Biełarusi naradzilisia rekordnyja 119 509 dziaciej. Kolkaść pamierłych pry hetym skłała 120.130 čałaviek.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary