Impierski humar: rasijski huru adnosin Saćja Das pažartavaŭ, čamu choča zachapić Biełaruś
«Kab była maleńkaja takaja terytoryja, dzie dobryja ludzi robiać dla mianie syročki hłazuravanyja», — kaža skandalna viadomy lektar i paśmichajecca.
U instahramie zavirusiłasia videa, źniataje, imavierna, padčas vizitu Saćji Dasu ŭ Minsk. U im jon nachvalvaje biełaruskija pradukty.
— U mianie siońnia byŭ muziej. Ja chadziŭ u supiermarkiet vaš. Vy ž durnyja, vy ž nie razumiejecie, u jakim ščaści žyviacie. A ja zaŭsiody pryjazdžaju i chadžu ŭ praduktovuju kramu jak u muziej.
Dalej huru adnosin raspaviadaŭ, jak zhrabaŭ z pryłaŭkaŭ zhuščonku.
— I stajać takija, viedajecie, dva debiły: «Vy što, u nas u Biełarusi vielmi drenna ŭsio! U nas tut drenna!». Harycie ŭ piekle, debiły!
Nastupny prystup lubovi da Biełarusi nakryŭ skandalnaha lektara, kali jon pabačyŭ hłazuravanyja syrki. Uraziŭ jaho i kaŭbasny adździeł:
— A možna atrymać palityčny prytułak? Dyk u mianie dumka ŭźnikła zachapić vašu krainu, razumiejecie? Kab była maleńkaja takaja terytoryja, dzie dobryja ludzi robiać dla mianie syročki hłazuravanyja. Impierski humar, impierski humar!
Za sutki videa nabrała ŭ instahramie 365 tysiač prahladaŭ i kala 22 tysiač łajkaŭ.
Nahadajem, šalona papularny ŭ sacyjalnych sietkach błohier Saćja Das nasamreč nosić imia Siarhiej Jakaŭleŭ (ale jamu nie padabajecca, kali niechta da jaho źviartajecca tak).
Jon naradziŭsia va Ukrainie (u Dniapry). Paśla škoły pastupiŭ u technałahičny technikum, vybraŭšy śpiecyjalnaść technołaha hramadskaha charčavańnia. Potym była armija. Paśla dembielu mužčyna pračytaŭ knihu «Bchahavadhita» i vyrašyŭ stać kryšnaitam. Ad adnaho z nastaŭnikaŭ Siarhiej i atrymaŭ toje imia, jakoje vykarystoŭvaje ŭ jakaści psieŭdanima, — Saćja Das.
A paśla 30 hadoŭ nastaŭ zorny čas mužčyny. Jon vyrašyŭ, što moža vučyć ludziej, jak pravilna treba žyć: i jak adnosiny budavać, i jak dziaciej hadavać.
U rekłamie Saćju Dasa časta nazyvajuć psichołaham. Ale, nakolki viadoma, jon nie maje adpaviednaha dypłomu. Na jaho sajcie paznačana, što mužčyna — śpiecyjalist pa siamiejnych adnosinach, papularny lektar, fiłosaf i piśmieńnik.
Saćja Das asabliva nie strymlivajecca ŭ vyrazach, ale jaho demanstratyŭnaja nachabnaść pryvablivaje miljony prychilnikaŭ. Na asnoŭnuju staronku «huru adnosin» u instahramie padpisanyja 2,2 miljona čałaviek, va «Ukantakcie» — 1,9 miljona.
Darečy, siarod fanataŭ «huru adnosin» chapaje i prychilnikaŭ Łukašenki. Na staronku Saćji Dasa ŭ instahramie padpisanyja artysty Alona Łanskaja, Hanna Trubiackaja i Ivan Zdaniuk, žonka prapahandysta Ihara Tura.
Mabyć, najbolšuju słavu Saćju Dasu prynios vystup u rasijskim Noŭharadzie ŭ 2023 hodzie. Tady jon udaryŭ pa hałavie žančynu, jakaja vyrašyła spračacca ź lektaram padčas vystupu, jaje ž sumačkaj.
Letaś mužčyna pryjazdžaŭ ź lekcyjaj u Minsk i vystupaŭ u Falcon Club Arena.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary
[Zredahavana]
I dzie tut impierskaść? Jon pa prostu m...k! Kab viedaŭ, što nie pasadziać, jab hetamu huru, za jaho dziejnaść tvar raskryšyŭ!
[Zredahavana]