Ukrainskija drony atakavali Jarasłaŭl. U Maskvie zakryvali aeraporty
Da ranicy abmiežavańni ŭ aeraportach byli źniatyja.
Ukrainskija drony ŭ noč na 22 maja atakavali Jarasłaŭl. Z-za bieśpiłotnikaŭ zakryvali vyjezd z horada ŭ bok Maskvy — skryžavańnie Maskoŭskaha praśpiekta i Paŭdniova-Zachodniaj akružnoj darohi, piša «Mieduza».
Pavodle słoŭ kiraŭnika Jarasłaŭskaj vobłaści Michaiła Jaŭrajeva, ataku dronaŭ udałosia adbić siłami SPA i srodkami radyjoelektronnaj baraćby, paciarpiełych niama. Jaŭrajeŭ zaklikaŭ žycharoŭ nie nabližacca da abłomkaŭ źbitych dronaŭ i «nie karystacca pobač ź imi telefonami». U vobłaści z kastryčnika 2025 hoda pad pahrozaj štrafaŭ zabaroniena publikavać fota nastupstvaŭ atak dronaŭ i pracy SPA.
U Maskvie z-za niebiaśpieki bieśpiłotnikaŭ u noč na 22 maja abmiažoŭvali pracu ŭsich čatyroch aeraportaŭ — Unukava, Damadziedava, Žukoŭskaha i Šaramiećcieva. Da ranicy abmiežavańni byli źniatyja.
Kamientary