Uładalnikaŭ leciščaŭ, pryvatnych damoŭ i ziamielnych učastkaŭ abaviažuć zmahacca ź invazijnymi raślinami, pišuć Minsk-naviny.
Pad administracyjnuju adkaznaść ciapier traplaje adsutnaść baraćby z raspaŭsiudžvańniem barščeŭnika Sasnoŭskaha i sumnika kanadskaha.
Apošni mnohija pamyłkova ličać biaskryŭdnaj žoŭtaj kvietkaj, ale ekołahi nazyvajuć jaje adnym z samych ahresiŭnych invazijnych vidaŭ.
Tak, adzin kust daje da 100 tysiač nasieńnia za siezon sa 100% uschodžaściu. Raślina vyciaśniaje miascovuju fłoru, paharšaje hlebu i vydzialaje rečyvy, što pryhniatajuć rost inšych raślin. Sumnik nie jaduć žyvioły, jon amal nie chvareje i aktyŭna zachoplivaje terytoryi ŭzdoŭž daroh, na zakinutych učastkach, kala dač, na mohiłkach i na ŭskrainach paloŭ.
U Kodeks ab administracyjnych pravaparušeńniach uvodzicca novy artykuł — «Nieździajśnieńnie rabot rehulavańnia raspaŭsiudžvańnia i kolkaści asobnych vidaŭ raślin».
Z červienia ŭładalnikam učastkaŭ daviadziecca bolš uvažliva sačyć za terytoryjaj i svoječasova źniščać niebiaśpiečnyja raśliny. Asablivuju ŭvahu varta nadavać zakinutym kutkam, miescam uzdoŭž płatoŭ i ŭčastkam kala pustak i paloŭ.
Za sumnik i barščeŭnik buduć štrafavać z 19 červienia. Štraf — da 450 rubloŭ (da 10 bazavych adzinak).
Kamientary