Na pošcie bolš nie budzie patrebna zapaŭniać papiarovy błank ab uručeńni
«Biełpošta» paviedamiła pra źmieny ŭ praviłach adpraŭki listoŭ i pasyłak z paviedamleńniem ab uručeńni ŭnutry Biełarusi.
Z 26 maja 2026 hoda bolš nie treba zapaŭniać papiarovy błank paviedamleńnia ab atrymańni. Zamiest hetaha adpraŭniku dastatkova prosta paznačyć na kanviercie abo adrasnym jarłyku, jakoje paviedamleńnie jamu patrebna — zvyčajnaje abo zakaznoje.
Taksama źmianiajecca paradak apłaty: ciapier dla takoj pasłuhi nie vykarystoŭvajucca paštovyja marki, u tym liku elektronnyja.
Fizičnyja asoby mohuć apłacić pasłuhu hatoŭkaj abo bankaŭskaj kartkaj, a jurydyčnyja asoby i pradprymalniki — u bieznajaŭnaj formie.
Paśla taho jak atrymalniku dojdzie adpraŭleńnie, «Biełpošta» sama razdrukuje paviedamleńnie ab uručeńni i dašle jaho adpraŭniku.
U hetym paviedamleńni buduć paznačanyja asnoŭnyja źviestki: numar adpraŭleńnia, data jaho pryjomu, dzie jano było adpraŭlena, danyja atrymalnika, data ŭručeńnia, a taksama štamp z dataj dastaŭki paviedamleńnia adpraŭniku.
Kamientary