Adekałon «Saša» lepšy za Dior Sauvage? Biełarusy ŭślapuju acanili vodary
U centry Bresta praviali parfumierny ekśpierymient. Minakam na vulicy prapanavali ŭślapuju acanić dva pachi, naniesienyja na testarnyja pałoski. Na adnym błotary byŭ kultavy saviecki adekałon «Saša», jaki i siońnia možna kupić u kramach prykładna za 5 rubloŭ, a na druhim — značna bolš darahi Dior Sauvage.
Vyniki apytańnia akazalisia niečakanymi: žychary horada błytali tannuju kłasiku z raskošaj, časam nazyvali pach «Sašy» bolš pryvabnym i aceńvali jaho ŭ sotni dołaraŭ.
Kali praŭda raskryvałasia, udzielniki ekśpierymientu nie mahli strymać śmiechu, a aŭtar rolika zaklikaŭ usich nie pierapłačvać i kuplać pravierany časam ajčynny pradukt. «Nie čakaŭ ad Sašy», — napisaŭ jon.
Nie ožidał ot Saši
Vialikaja častka kamientataryŭ achvotna kpić ź industryi vysokaj parfumieryi. Ludzi adznačajuć, što ŭsia hetaja situacyja vydatna demanstruje prostuju iścinu: absalutnaja bolšaść nie adroźnivaje luksavyja ci nišavyja parfumy ad mas-markietu. Na dumku kamientataraŭ, roźnicu zdolnyja zaŭvažyć chiba što prafiesijnyja ekśpierty, tamu niama nijakaha sensu pierapłačvać za «panty», kali ŭ vyniku adekałon za paru rubloŭ usio adno «pachnie doraha».
Chtości ź ironijaj dadaŭ, što sapraŭdnaja jakaść vymiarajecca tolki stojkaściu, mnohija syšlisia na dumcy, što brendy prosta pradajuć pryhožuju karcinku, a ich sabiekošt nie pieravyšaje niekalkich dołaraŭ.
Mnohija čytačy surjozna zacikavilisia, dzie mienavita zaraz možna nabyć hety «elitny» parfium «Saša». U jakaści samych papularnych łakacyj, dzie «Saša» zaŭsiody jość, nazyvajuć pryłaŭki «Biełpošty», kramy sietki «Miła» i drobnyja šapiki.
Niekatoryja pažartavali, što paśla takoha rolika markietołahi brenda chutka zafiksujuć šalony ŭsplosk pakupnickaj aktyŭnaści.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar20
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary
Pachi najpierš usprymajucca mozham i z čym ta asacyjujucca dla kožnaha kankretnaha čałavieka. Tamu časta lepšyja pachi dla nas heta tyja, jakija supravadžali nas, kali nam było vielmi dobra, kamfortna.
Dva lepšych pacha u maim žycci: pach abosr..nych pialonak dački-hrudnička i pach žanočaha arhazma.
U mianie jość niekalki dobrych parfumau ź Jevropy, i jany mnie vielmi padabajucca, ale tyja dva pachi ... Jany lepšyja dla mianie.