Навумчык: Беларусы, якія ваююць у АТА, — адзіныя, хто здольны рэальна абараніць Беларусь
Публікацыя ў СМІ фота беларусаў, якія ваююць на баку Украіны ў складзе тактычнай групы «Беларусь», выклікала крытыку БТ.
Журналіст Сяргей Навумчык прыводзіць у сябе ў Фэйсбуку цытату: »Прыхільнік «русского мира» піша: «В Белоруссии наши люди есть везде: в армии, внутренних войсках, КГБ».
Гэтыя людзі па камандзе з Крамля гатовыя забяспечыць інкарпарацыю Беларусі ў РФ, мяркуе Навумчык.
«Беларусы, якія ваююць у АТА — адзіныя, хто мае вопыт баявых дзеяньняў у сучасных умовах і хто здольны рэальна абараніць Беларусь» у выпадку спробы Расіі захапіць Беларусь, мяркуе Навумчык.
Ён прыводзіць прыклад Украіны, дзе сілавыя структуры былі няздольныя супрацьстаяць агрэсіі, і першыя месяцы рэальны супраціў спробам захопу тэрыторый на поўдні і ўсходзе краіны аказвалі толькі добраахвотніцкія патрыятычныя структуры.
Выказванне Навумчыка па-новаму ўспрымаецца пасля ўчарашніх і пазаўчарашніх навін пра затрыманне хлопцаў, якія падазраюцца ў маляванні патрыятычных графіці ў Мінску, і пра «перакрыццё канала вярбоўкі» беларусаў для ўдзелу ў абароне тэрытарыяльнай цэласнасці Украіны.
Калі браць юрыдычны бок, беларускае заканадаўства прадугледжвае крымінальную адказнасць за наёмніцтва ў замежных краінах.
Калі браць аспект палітычны, людзі з патрыятычнага крыла лукашэнкаўцаў часта намякаюць, што галоўнае для Беларусі сёння — ніякім чынам не справакаваць Расію на ўмяшанне, не дапускаць, каб Масква палічыла, што ў Беларусі фарміруюцца сілы, варожыя яе інтарэсам. «Калі мы недзе падставімся, з намі разбяруцца яшчэ хутчэй, як з Украінай», — у фармулёўцы самога Лукашэнкі. «Пазбегнуць нападу, стаўшы сябром патэнцыйнага агрэсара» — так можна выказаць гэтую канцэпцыю.
А што вы пра гэта думаеце? Абмяркоўвайце ў каментах!
-
Літоўскі блогер паскардзіўся, што «Наша Ніва» няправільна пераказала яго дыялог са Спарышам. Камісія па этыцы стала на бок «НН»
-
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
-
«Людзі бачылі, што разбіраюць не дрэва, а парахно». Каталіцкі актывіст заступіўся за навагрудскіх манашак
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары