Navumčyk: Biełarusy, jakija vajujuć u ATA, — adzinyja, chto zdolny realna abaranić Biełaruś
Publikacyja ŭ ŚMI fota biełarusaŭ, jakija vajujuć na baku Ukrainy ŭ składzie taktyčnaj hrupy «Biełaruś», vyklikała krytyku BT.
Žurnalist Siarhiej Navumčyk pryvodzić u siabie ŭ Fejsbuku cytatu: »Prychilnik «russkoho mira» piša: «V Biełoruśsii naši ludi jesť viezdie: v armii, vnutrieńnich vojskach, KHB».
Hetyja ludzi pa kamandzie z Kramla hatovyja zabiaśpiečyć inkarparacyju Biełarusi ŭ RF, miarkuje Navumčyk.
«Biełarusy, jakija vajujuć u ATA — adzinyja, chto maje vopyt bajavych dziejańniaŭ u sučasnych umovach i chto zdolny realna abaranić Biełaruś» u vypadku sproby Rasii zachapić Biełaruś, miarkuje Navumčyk.
Jon pryvodzić prykład Ukrainy, dzie siłavyja struktury byli niazdolnyja supraćstajać ahresii, i pieršyja miesiacy realny supraciŭ sprobam zachopu terytoryj na poŭdni i ŭschodzie krainy akazvali tolki dobraachvotnickija patryjatyčnyja struktury.
Vykazvańnie Navumčyka pa-novamu ŭsprymajecca paśla ŭčarašnich i pazaŭčarašnich navin pra zatrymańnie chłopcaŭ, jakija padazrajucca ŭ malavańni patryjatyčnych hrafici ŭ Minsku, i pra «pierakryćcio kanała viarboŭki» biełarusaŭ dla ŭdziełu ŭ abaronie terytaryjalnaj cełasnaści Ukrainy.
Kali brać jurydyčny bok, biełaruskaje zakanadaŭstva praduhledžvaje kryminalnuju adkaznaść za najomnictva ŭ zamiežnych krainach.
Kali brać aśpiekt palityčny, ludzi z patryjatyčnaha kryła łukašenkaŭcaŭ časta namiakajuć, što hałoŭnaje dla Biełarusi siońnia — nijakim čynam nie spravakavać Rasiju na ŭmiašańnie, nie dapuskać, kab Maskva paličyła, što ŭ Biełarusi farmirujucca siły, varožyja jaje intaresam. «Kali my niedzie padstavimsia, z nami raźbiarucca jašče chutčej, jak z Ukrainaj», — u farmuloŭcy samoha Łukašenki. «Paźbiehnuć napadu, staŭšy siabrom patencyjnaha ahresara» — tak možna vykazać hetuju kancepcyju.
A što vy pra heta dumajecie? Abmiarkoŭvajcie ŭ kamientach!
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary