Каментар Рэдакцыі: у выпадку эскалацыі сітуацыі вакол Крыма Беларусі патрэбна будзе нацыянальнае адзінства
З'яўленне расійскіх вайскоўцаў у Крыме, наданне Расіяй гарантый бяспекі Віктару Януковічу і вызнанне яго Масквой законным кіраўніком Украіны азначаюць, што сітуацыя можа перарасці ў поўнамаштабнае супрацьстаянне са зменай міждзяржаўных межаў. Эскалацыя можа зайсці далёка. Трывожным фактам стала нацыяналістычная і антыўкраінская істэрыя ў расійскіх СМІ, параўнальная з тым, што было ў Германіі ў 1937—1938-м, перад «уз'яднаннем» судэцкіх немцаў.
У той жа час Украіна, даведзеная за 2010—2014 да мяжы эканамічнага банкруцтва, мала што можа зрабіць у адказ. У Кіева проста няма грошай для фінансавання якіхсьці надзвычайных крокаў у сферы бяспекі. І гэта важная навука для Беларусі, таксама залежнай ад цэнаў на расійскія энерганосьбіты.
У інтарэсах Беларусі, як і іншай краіны з Мытнага саюза, Казахстана — каб межы ва Усходняй Еўропе засталіся нязменнымі, а Украіна захавала тэрытарыяльную цэласнасць.
У выпадку эскалацыі ў Крыме і ва Украіне Беларусі спатрэбіцца нацыянальнае адзінства і стрыманасць. Усе палітычныя спрэчкі між уладамі і апазіцыяй варта будзе адкласці ў бок. І канфлікт між афіцыйным Мінскам і Захадам таксама павінен быць спынены. Перадумовы для гэтага стварыла б вызваленне ўсіх палітвязняў і далейшае ўмацаванне нацыянальнай свядомасці беларусаў.
Як і падчас расійска-грузінскай вайны 2008-га, падзеі ў Крыме нагадваюць усім пра наш кансэнсус у пытанні незалежнасці Беларусі і пра важнасць нацыянальнага адзінства ў базавых пытаннях.
-
Камандуючы НАТА не гаварыў пра ўдары па Беларусі ў выпадку нападу Расіі з яе тэрыторыі. Гэта агучвалася ў ранейшай стратэгіі
-
Беларускі музей імя Івана Луцкевіча рыхтуе выставу да 120‑годдзя «Нашай Нівы» і просіць дапамагчы з экспанатамі
-
«Наша Ніва» атрымала тры журналісцкія прэміі. Сярод пераможцаў Бугай і Роўда
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары