Драма Пэдра Альмадовара і трагікамэдыя Рабэрта Бэніньі.
СТВ, 20.40
Тыгр і сьнег (Tigre e la neve)
Італія, 2005, каляровы, 114 хв.
Рэжысэр: Рабэрта Бэніньі
Ролі выконваюць: Рабэрта Бэніньі, Нікалета Браскі, Жан Рэно, Том Ўэйтс, Эмілія Фокс
Адзнака: 5,5 (з 10)
Аціліа сьніць пекную й непрыступную жанчыну – і завочна закаханы ў яе. Але аднойчы ён сустракае гераіню сваіх сноў… Бяда толькі, што тая адправілася ў Ірак, і небарака Аціліа выпраўляецца за ёй сьледам.
Мітусьлівы Рабэрта Бэніньі вырашыў пажартаваць на тэму іракскай вайны. Атрымалася ня так пераканаўча, як у ранейшых стужках актора, але сцэны сноў, сьнег і зьверы – дзівосныя й гратэскныя.
АНТ, 23.30
Паразмаўляй зь ёй (Hable con ella)
Гішпанія, 2002, каляровы і ч/б, 102 хв.
Рэжысэр: Пэдра Альмадовар
Ролі выконваюць: Хаўер Камара, Дарыё Грандынэці, Леанор Ўотлінг, Разарыа Флорэс, Марыола Фуэнтэс, Джэральдын Чаплін, Рабэрта Альварэз
Прызы: “Оскар” за найлепшы сцэнар, прэмія “Сэзар” за найлепшы эўрапейскі фільм, прэмія “Залаты глёбус” – усяго 32 узнагароды і 25 намінацый
У пошуках цікавага сюжэту журналіст Марка знаёміцца з жанчынай-тарэра Лідзіяй. Знаёмства перарастае ў каханьне, але ўдар быка на карыдзе прыводзіць Лідзію да комы.
“Паразмаўляй зь ёй,” – раіць мэдбрат Бэніньё герою, які пачынае губляць надзею.
Цяпер каханкаў злучаюць словы – і ўспаміны Марка…
Фірмовы альмадовараўскі фільм з правакацыйным сюжэтам, лірычнай музыкай Альбэрта Іглесіаса і каляровымі й чорна-белымі кадрамі Хаўера Агерысаробэ.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары