«Nastaŭ čas sieści za stoł pieramovaŭ», — zajaviŭ kiraŭnik źniešniepalityčnaha viedamstva Hiermanii.
Ministr zamiežnych spraŭ Hiermanii Jochan Vadeful zaklikaŭ prezidenta Rasii Uładzimira Pucina da pieramovaŭ ab mirnym urehulavańni va Ukrainie — z udziełam jeŭrapiejskaha boku, piša Deutsche Welle.
— Nastaŭ čas sieści za stoł pieramovaŭ, — zajaviŭ kiraŭnik źniešniepalityčnaha viedamstva Hiermanii padčas sustrečy ź mieksikanskim kaleham Rabierta Viełaska ŭ Miechika ŭ čaćvier, 4 červienia. — Dumaju, usie bačać, što kanflikt ustupiŭ u fazu, jakaja nastojliva patrabuje zaviaršeńnia.
Raniej prezident Ukrainy Uładzimir Zialenski na fonie prabuksoŭki pasrednickich namahańniaŭ ZŠA źviarnuŭsia da Pucina z adkrytym listom, prapanavaŭšy pramyja mirnyja pieramovy pamiž lidarami dźviuch krain na niejtralnaj terytoryi z udziełam šerahu jeŭrapiejskich dziaržaŭ.
Vadeful padkreśliŭ važnaść udziełu Hiermanii i Jeŭrapiejskaha Sajuza ŭ pieramoŭnym pracesie. Pavodle jaho słoŭ, havorka idzie pra jeŭrapiejski kantynient, mahčymyja harantyi biaśpieki dla Ukrainy i praces jaje ŭstupleńnia ŭ ES — usie hetyja pytańni, na jaho dumku, mohuć abmiarkoŭvacca i vyrašacca tolki z udziełam jeŭrapiejcaŭ.
— Tamu jeŭrapiejcy pavinny być uklučanyja ŭ hetyja pieramovy, — padkreśliŭ ministr, dadaŭšy: — U jakim farmacie i kali mienavita heta adbudziecca, my možam vyrašyć u luby momant.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny38
Kamientary
1794-2026 .
Heta jość stary maneúr dźvuch adviečnych vorahaú našaha Vialikaha Kniastva , Polščy i Ukrainy .