Cyrulnica z Baranavičaŭ znajšła aryhinalny sposab abyści kankurentaŭ. A klijenty tolki rady VIDEA
Volha Sitko z Baranavičaŭ prydumała, jak pieratvaryć pachod na stryžku ŭ sapraŭdnaje śviata — u svajoj studyi jana dadatkova arhanizavała karaokie-kłub z elemientami stendapa. Pakul Volha navodzić pryhažość, klijenty mohuć napiavać u mikrafon lubimyja pieśni.
Volha nazyvaje siabie «cyrulnicaj z dušoj». Jana — majstra-univiersał, jakaja biarecca i za mužčynskija, i za žanočyja fryzury, a taksama farbuje vałasy i robić układki roznaj składanaści.
Daviarajuć miascovyja baćki joj i źniešni vyhlad dzietak.
Kab vyłučacca na fonie inšych majstroŭ u horadzie, Volha anansavała, što ciapier u jaje sałonie staić nie prosta kresła, a pieršaje ŭ Baranavičach karaokie-kresła.
Klijenty sami abirajuć lubimy trek, jaho zapuskajuć na telefonie ŭ farmacie karaokie — zastajecca ŭziać u ruki praduhledžany tut mikrafon i śpiavać va ŭsiu moc, pakul Volha ŭpraŭlajecca z nažnicami ci mašynkaj.
«Kali vy pačujecie, što z cyrulni danosicca «Uładzimirski centrał» ci chit Ziemfiry napieramiešku z hudzieńniem mašynki — nie pałochajciesia. Heta nie karaokie-bar adkryli ŭ susiednim pamiaškańni. Heta prosta pracujem my. Vam nie treba abirać pamiž pachodam u sałon i pachodam u karaokie. My abjadnali heta ŭ adnoj kropcy na karcie Baranavičaŭ»,
— tłumačyć kancepcyju Volha. Na jaje dumku, terapija hołasam pracuje na zaspakajeńnie i raźniavoleńnie. Ale navat kali klijent saromiejecca śpiavać, za jaho heta moža zrabić cyrulnica.
«Zaŭvažana: paśla troch piesień klijenty pierastajuć saromiejecca, pačynajuć padpiavać, a da kanca stryžki ŭžo zakazvajuć bek-vakał na nastupny vizit. A kali vy zaśpiavajecie hučniej mianie — atrymajecie źnižku», — rekłamuje svaje pasłuhi žančyna.
Na pracy Volha jašče i stendapier — jana zaŭsiody moža raśśmiašyć, a samym śmiełym prapanavać źniacca ŭ jaje humarystyčnych rolikach.
Pa pieršych klijentach, jakija pasprabavali novy farmat, bačna, što ludziam padabajecca taki aryhinalny servis.
Darečy, žanočaja stryžka ŭ cyrulnicy kaštuje ad 30 da 35 rubloŭ, a mužčynskaja — ad 18 da 20.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie
Zorny biełaruski akcior Ihar Sihoŭ pajšoŭ u kiroŭcy aŭtobusa. Kaža, što heta lepš, čym u taksi
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
- Prosto pośle nieho u nich vołosy vstajut dybom i lehčie striċ.....