Va ŭkrainskim Hienštabie adznačyli, što efiektyŭnaść srodkaŭ radyjoelektronnaj baraćby (REB) suprać rasijskich rakiet «Kinžał» za apošni hod značna vyrasła. Hetaja zbroja ŭsio čaściej nie dasiahaje pryznačanych celaŭ, a ŭkrainskija sistemy REB stali pakazvać lepšyja vyniki, piša «Suśpilnie».
Krynica vydańnia ŭ Hienieralnym štabie USU patłumačyła, što čym chutčej ruchajecca rakieta, tym składaniej joj pravilna vyznačać svaje kaardynaty. Mienavita heta robić jaje bolš uraźlivaj da radyjopieraškod. Pavieličeńnie kolkaści i mahčymaściaŭ ukrainskich sistem REB dało mahčymaść bolš efiektyŭna ŭździejničać na takija rakiety.
U vyniku ŭdaskanaleńnia ŭkrainskich sistem REB Rasija paniesła istotnyja finansavyja straty. Pavodle acenak, namahańni ŭ supraćdziejańni REB abyšlisia rasijskamu boku jak minimum u 1,5 miljarda dalaraŭ. Heta źviazana z tym, što jany vymušanyja stavić na rakiety darahija antennyja moduli CRPA (abaronienyja ad pieraškod). Takija antennyja sistemy vykarystoŭvajucca ŭ kiravanych avijacyjnych bombach (KAB) i ŭ dronach-kamikadze «Šachied». Košt adnoj anteny — ad 10 da 17 tysiač dalaraŭ.
Za hety čas Rasija vypuściła kala 8 tysiač KABaŭ i prykładna 40 tysiač «Šachiedaŭ». Usie jany abstalavanyja antienami CRPA, što razam skłała kala paŭtara miljarda dalaraŭ vydatkaŭ.
Akramia taho, z časam rasijski bok pačaŭ vykarystoŭvać usio bolš składanyja technałohii: kali raniej heta byli 4-elemientnyja pryjomniki, to ciapier užo 8– i navat 16-elemientnyja antennyja sistemy.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary