Ukrainskamu deputatu Jaŭhienu Šaŭčenku pahražaje pažyćciovaje źniavoleńnie
Ukrainskamu narodnamu deputatu Jaŭhienu Šaŭčenku pahražaje pažyćciovaje źniavoleńnie za dziaržaŭnuju zdradu padčas vajennaha stanovišča. Jon užo znachodzicca ŭ SIZA ź listapada 2024 hoda, a ciapier jamu vystavili dadatkovaje abvinavačańnie, što moža pryvieści da maksimalnaha pakarańnia — pažyćciovaha turemnaha źniavoleńnia z kanfiskacyjaj majomaści, piša «Radyjo Svaboda».
Pavodle infarmacyi Dziaržaŭnaha biuro rasśledavańniaŭ Ukrainy, Šaŭčenka publična zajaŭlaŭ pra siabroŭstva z Alaksandram Łukašenkam, a jaho vykazvańni ekśpierty paličyli škodnymi dla nacyjanalnaj biaśpieki. U ich vyjavili prapahandu, skažeńnie faktaŭ, raspalvańnie varožaści i zakliki da parušeńnia terytaryjalnaj cełasnaści Ukrainy.
«Narodnamu deputatu Ukrainy dadatkova paviedamili padazreńnie ab dziaržaŭnaj zdradzie va ŭmovach vajennaha stanovišča. Jamu pahražaje pažyćciovaje źniavoleńnie z kanfiskacyjaj majomaści», — paviedamiła pres-sakratarka DBR Volha Čykanava.
Padčas pieratrusaŭ u kvatery i kabiniecie Šaŭčenki znajšli dakumienty, što mohuć śviedčyć pra niezakonnyja pastaŭki biełaruskich uhnajeńniaŭ va Ukrainu i mahčymyja finansavyja suviazi ź biełaruskimi kampanijami, jakija apłačvali jahonyja pajezdki ŭ Minsk. Mienavita hetyja vizity i sustrečy z Łukašenkam stali klučavymi ŭ spravie.
Jašče ŭ 2021 hodzie Jaŭhiena Šaŭčenku vyklučyli z frakcyi «Słuha naroda» paśla niesankcyjanavanaj sustrečy z Łukašenkam u krasaviku taho hoda. Partyjnaje kiraŭnictva zajaŭlała, što nie davała jamu mandata na pieramovy ź biełaruskim bokam.
Stali viadomyja detali abvinavačańnia ŭkrainskaha deputata Šaŭčenki, jaki prasłaviŭsia padtrymkaj Łukašenki
«Znoŭ źjezdžu ŭ Minsk, usio vyrašym». Ukrainski deputat, jaki pryjazdžaŭ u Biełaruś, zaklikaŭ Zialenskaha da pieramovaŭ z Rasijaj
Šaŭčenka: Kreml chacieŭ by zamianić Łukašenku, i ja viedaju na kaho
«Jon nam nikoli nie admaŭlaŭ». Kiraŭnik ukrainskaj raźviedki pryznaŭsia, što Ukraina pracavała z Łukašenkam praz deputata Šaŭčenku
Kamientary
Praz hod znoŭ niešta vypłyvie
Čto v Ukrainie błahO darečy i ŭ rf Biełarusi ..nibłaha ŭ lepšym vypadku
Sieńnia v Ukrainie da rodnych deputaiki vrUkrainy apazicyjnaj ofisu Kijeva pryjšoł miascovy dbr Jak hubazik ni abviestki ni paviestki i jak raz dzień narodzinaŭ u adnaho iz dziciaci .Advakatam ni dazvolili))) Jaki režym??))