«Znoŭ źjezdžu ŭ Minsk, usio vyrašym». Ukrainski deputat, jaki pryjazdžaŭ u Biełaruś, zaklikaŭ Zialenskaha da pieramovaŭ z Rasijaj
Jaŭhien Šaŭčenka, jaki maje suviazi va ŭładnych kołach Biełarusi, zajaviŭ, što napisaŭ list Donaldu Trampu.
Narodny deputat Ukrainy vykazaŭ namier znoŭ źjeździć u Minsk i dapamahčy ŭ arhanizacyi pieramoŭ z Rasijaj.
Šaŭčenka ŭ svaim telehram-kanale zaklikaŭ prezidenta Ukrainy Uładzimira Zialenskaha pačać dyjałoh. Inakš, maŭlaŭ, heta budzie pahražać jaho źniaćciem z pasady.
«Para, tavaryš prezident, pačynać dyjałoh. Ja razumieju, što paśla hetaha tabie daviadziecca pajści. Ale kraina važniejšaja za asabistyja ambicyi. Ja dapamahu, kali što. Znoŭ źjezdžu ŭ Minsk. Usio vyrašym. Ty tolki pačni. A kali nie zachočaš, ciabie prymusiać syści. I prymusiać ciabie tyja, chto ŭčora tabie apładziravaŭ u krainach zachodniaha śvietu», — napisaŭ deputat.
U inšym dopisie jon zajaviŭ, što nakiravaŭ list Donaldu Trampu z prośbaj «spryjać spynieńniu dalejšaha aŭtarytaryzmu, dyktatury i biezzakońnia, a taksama viartańniu demakratyi i svabody słova ŭ palityčnaje žyćcio Ukrainy».
Na vykazvańni Šaŭčenki adreahavaŭ kiraŭnik Ofisa prezidenta Ukrainy Andrej Jermak.
«Niekatoryja narodnyja deputaty, zdajecca, zabłytalisia ŭ pytańniach nacyjanalnaj biaśpieki, nacyjanalnych intaresaŭ i budučyni krainy.
Kali ŭ ichnich hałovach nacyjanalnyja intaresy roŭnyja paražeńniu Ukrainy, to jany robiać vialikuju pamyłku ŭ intaresach RF. Płan pieramohi Ukrainy, Formuła miru — heta šlach da spraviadlivaści», — napisaŭ Jermak u svaim telehram-kanale.
Jaŭhien Šaŭčenka atrymaŭ viadomaść jak aktyŭny prychilnik Łukašenki i łabist jaho intaresaŭ va Ukrainie. Jon naviedvaŭ Biełaruś jašče ŭ 2021 hodzie, dzie ŭdzielničaŭ u prapahandysckich mierapryjemstvach i sustrakaŭsia z Łukašenkam. Paśla hetaha Šaŭčenku vyklučyli z frakcyi «Słuha naroda».
Kiraŭnik HUR Kirył Budanaŭ paźniej pryznavaŭsia, što ŭkrainskaja raźviedka vykarystoŭvała suviazi Šaŭčenki ŭ vyšejšym kiraŭnictvie Biełarusi ŭ svaich intaresach.
Šaŭčenka: Kreml chacieŭ by zamianić Łukašenku, i ja viedaju na kaho
«Jon nam nikoli nie admaŭlaŭ». Kiraŭnik ukrainskaj raźviedki pryznaŭsia, što Ukraina pracavała z Łukašenkam praz deputata Šaŭčenku
Va ŭkrainskaj Viarchoŭnaj Radzie zachejcili deputata-łukašysta, jaki pryjšoŭ na pasiadžeńnie ŭ vajskovaj formie
Pamiatajecie deputata Rady Jaŭhiena Šaŭčenku, jaki jeździŭ niekalki razoŭ da Łukašenki? Jaho zatrymali
Kamientary
a nieŭzabavie, hladziš, i tramp budzie ŭ hości k nam
«Mi koristujemosia možlivistiu joho komunikaciji, joho zvjazkami. Zahałom nikoli cie silno nie prichovuvali. Vin je jefiektivnim u ćomu prociesi. Šievčienko dosiť davno dopomahaje nam. Davajtie naźviemo cie tak. I žodnoho razu nie vidmoviv, koli mi źviertalisia z prochańniami do ńoho», – dodav kierivnik HUR.