Makron i Starmier upeŭnienyja, što stanovišča va Ukrainie źmienić tolki cisk na Maskvu
Prezident Francyi Emanuel Makron 16 maja abvinavaciŭ Rasiju ŭ tym, što jana «nie žadaje» spynieńnia ahniu va Ukrainie, i zajaviŭ jeŭrapiejskim lidaram, što tolki ŭzmacnieńnie cisku na Maskvu pryviadzie da źmienaŭ, piša «Radyjo Svaboda».
«Ja liču, što apošnija niekalki hadzin pakazali, što Rasija nie žadaje spynieńnia ahniu, i što kali nie budzie ŭzmacnieńnia cisku z boku jeŭrapiejcaŭ i amierykancaŭ dla dasiahnieńnia hetaha vyniku, heta nie adbudziecca samo saboj», — zajaviŭ Makron na sustrečy jeŭrapiejskich lidaraŭ u Tyranie.
Z Makronam salidaryzavaŭsia ŭ hetym pytańni premjer-ministr Vialikabrytanii Kir Starmier. Pra rasijska-ukrainskuju vajnu jon pačaŭ pramovu ŭžo ŭ vitalnym słovie ŭ Tyranie.
«Pry padtrymcy prezidenta ZŠA Donalda Trampa była ahučanaja pazicyja adnosna biezumoŭnaha spynieńnia ahniu. Pucin pavinien sieści za stoł pieramoŭ pa hetym biezumoŭnym spynieńni ahniu. I, jak my rabili ŭ minułyja vychodnyja, nam treba vystavić ultymatum. Ciapier, kali ultymatum vystaŭleny, my pavinny być hatovyja dziejničać — bo kali Rasija nie siadzie za stoł pieramovaŭ, Pucin zapłacić canu.
I ŭčarašni dzień byŭ čarhovym dokazam taho, što Pucin niesurjozna stavicca da miru. Rasija zaciahvaje spravu i hulaje ŭ hulni, u toj čas jak Ukraina pakazała siabie bokam, jaki sapraŭdy žadaje miru», — skazaŭ premjer-ministr Vialikabrytanii.
Ciapier čytajuć
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać11
Kamientary