U Jehipcie pierakuliŭsia aŭtobus z turystami ź Biełarusi, Rasii i Kazachstana
Pajezdka ŭ Jehipiet dla Alaksandry i jaje maładoha čałavieka ledź nie skončyłasia trahiedyjaj. 7 maja para adpraviłasia na ekskursiju z Šarm-eš-Šejcha ŭ Kair. Ale nazad jany nie dajechali: turystyčny aŭtobus, u jakim znachodzilisia hramadzianie Biełarusi, Rasii i Kazachstana, pierakuliŭsia prykładna ŭ 100 kiłamietrach ad Šarm-eš-Šejcha, piša «Anłajnier».
«Pucioŭku ŭ Jehipiet my nabyvali ŭ biełaruskim turahienctvie. Prylacieli na 12 dzion. Žyli ŭ piacizorkavym hateli. Vyrašyli z maładym čałaviekam adpravicca na adnadzionnuju ekskursiju ŭ Kair. Jaje arhanizoŭvała miascovaja kampanija Joyce Tours — jaje supracoŭniki sustrakali nas na terytoryi Jehipta», — uspaminaje Alaksandra.
Užo na zvarotnym šlachu ŭ Šarm-eš-Šejch u pramiežku pamiž 21.00 i 23.00 adbyłasia avaryja. Fotazdymkaŭ ź miesca zdareńnia ŭ turystaŭ nie zachavałasia — mnohim było nie da telefonaŭ.
Aŭtobus, pavodle papiaredniaj infarmacyi, pasprabavaŭ paźbiehnuć łabavoha sutyknieńnia ź lehkavym aŭtamabilem, jaki vylecieŭ na sustrečnuju pałasu. Kiroŭca zbočyŭ na ŭzbočynu, i aŭtobus zavaliŭsia na levy bok.
Pa słovach Alaksandry, siamja pasažyraŭ ź lehkavika paciarpieła macniej za ŭsich: zahinuli mužčyna i dzicia. Žančyna i jašče adno dzicia byli dastaŭleny ŭ ciažkim stanie ŭ balnicu. Ich sprabavaŭ reanimavać na miescy małady čałaviek Alaksandry — jon pa prafiesii doktar.
Siarod pasažyraŭ aŭtobusa surjozna paciarpieli dźvie žančyny — z čerapna-mazhavymi traŭmami ich špitalizavali. Astatnija abyšlisia ŭdarami, rankami i šokam.
«Chutkaja pryjechała prykładna praz 15-20 chvilin. Tych, u kaho byli nie takija surjoznyja traŭmy, pierasadzili ŭ inšy aŭtobus, udakładnili, chto choča ŭ balnicu, i advieźli ŭ balnicu ŭ Šarm-eš-Šejch. Sa mnoj tudy pajechali jašče piać turystaŭ z Kazachstana. Mnie zrabili renthien, KT, ale dyjahnaz nie pastavili. Viedaju tolki, što ŭ mianie ŭdar miakkich tkanak śpiny, bieź pierałomaŭ. Taksama zastalisia drapiny i siniaki na rukach i nahach. U chłopca — taksama siniaki, jon upaŭ na mianie padčas avaryi».
Z-za šoku i stresu Alaksandra nie adrazu źviarnułasia ŭ strachavuju kampaniju — da taho ž jaje zaplečnik z polisami zastaŭsia na miescy zdareńnia.
Pavodle jaje słoŭ, usie vydatki na abśledavańnie i lačeńnie pakryła kampanija Joyce Tours — taja, što pradavała ekskursiju. Taksama turystam viarnuli hrošy.
«My zapłacili 240 dalaraŭ za dvaich, viarnuli 200 dalaraŭ. Paprasili padpisać raśpisku, što da turfirmy ja nie maju nijakich pretenzij».
Alaksandra ŭdakładniła ŭ hida, ci adbyvalisia padobnyja vypadki raniej.
«Skazali, što takoje ŭžo byvała, ale ŭsio abychodziłasia lohkimi traŭmami».
Maldyvy, Zanzibar i Italija: kudy paniesła adpačyvać prychilnikaŭ Łukašenki
Ci chopić sioleta €2000, kab adpačyć na mory? Što adbyvajecca z cenami na letni adpačynak
Mora za 200 mietraŭ, krevietki pa kursie čornaha rynku. Biełarus pažyŭ u Jehipcie, a potym pierajechaŭ u Polšču
«Nie apisać žachu, jaki ja pieražyła ŭ aeraporcie». Biełarusy raskazali, jak važna byvaje zahladać va ŭłasny pašpart
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary