Łukašenka: Nie treba pieražyvać z nahody štučnaha intelektu — čałavieka jon pakul nie zamienić
Palityk padčas razmovy pra vysokija technałohii ŭ pramysłovaści spytaŭsia ŭ kiraŭnika «Płanara» jak śpiecyjalista ŭ hetaj halinie, što jon dumaje pra raźvićcio štučnaha intelektu, piša BiełTA.
Jak rastłumačyŭ hienieralny dyrektar «Płanara» Siarhiej Avakaŭ, vyznačeńnie paniaćcia «štučny intelekt» pastajanna źmianiajecca i pierahladajecca, bo technałohii ŭ hetaj śfiery chutka raźvivajucca. Pavodle jaho słoŭ, ŠI — heta šyrokaje paniaćcie, peŭnaja sistema pryniaćcia rašeńniaŭ.
«Ja miarkuju, što tyja, chto prydumaŭ hetaje aznačeńnie, mieli na ŭvazie, što štučny intelekt zamienić čałavieka», — zaŭvažyŭ Łukašenka.
«Nie, nie zamienić», — upeŭnieny Siarhiej Avakaŭ.
Jon patłumačyŭ, što adzin z zasnavalnikaŭ techničnaj kibiernietyki Uiljam Ešbi ŭ 1950‑ia hady XX stahodździa napisaŭ knihu, u jakoj razvažaŭ pra toje, ci moža mašyna być razumniejšaj za svajho stvaralnika. «Hetaje pytańnie da hetaha času zastajecca rytaryčnym», — ličyć kiraŭnik «Płanara».
«Tak što nijaki «intelekt» nas nie zamienić», — padkreśliŭ Alaksandr Łukašenka.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?15
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Uvohule, strach pierad tym, što mašyna stanie razumniejšaj za čałavieka, u našych umovach vyhladaje navat kamplimientam mašynie. Bo kab kahości "zamianić", treba chacia b vykonvać tyja ž funkcyi: nie błytać paniaćci, nie supakojvać zamiest analizu i nie błytać budučyniu ź minułym.
Tak što možna nie chvalavacca.
Štučny intelekt sapraŭdy pakul nikoha nie zamienić.
Asabliva tam, dzie adsutnaść intelektu - častka stabilnaści.