Śviatłana Cichanoŭskaja naviedała šełtar dla byłych palitźniavolenych u Varšavie
Padčas vizitu ŭ šełtar lidarka demsił Śviatłana Cichanoŭskaja sustrełasia ź jaho zasnavalnicaj, byłoj palitźniavolenaj i suzasnavalnicaj fondu «Prytulaj mianie» Hannaj Fiedaronak, aznajomiłasia z prastoraj i ŭmovami šełtara, a taksama parazmaŭlała ź jaho žycharami.
Na sustrečy abmierkavali, u čym šełtar maje najbolšuju patrebu i jak možna dapamahčy jamu pracavać dalej. Byłyja palitviaźni padzialilisia svaimi historyjami i raspaviali pra ŭmovy, u jakich im daviałosia znachodzicca za kratami, paviedamlaje pres-słužba palityka.
Kamanda Śviatłany Cichanoŭskaj pieradała ŭ šełtar nieabchodnyja bytavyja rečy.
«Vielmi važna, kab ludzi, jakija prajšli praz turmy, nie zastavalisia adny, apynuŭšysia na voli. Bo paśla źniavoleńnia im patrebnaja nie tolki biaśpieka, ale i čałaviečaja padtrymka, razumieńnie, čas i prastora, kab adnavić siły i pačać novy etap žyćcia. Dziakuj usim, chto stvaraje i padtrymlivaje šełtar. Vaša praca daje nadzieju i dapamahaje ludziam adčuć, što jany nie adny na šlachu adnaŭleńnia», — skazała Cichanoŭskaja.
Biełaruski šełtar u Varšavie — heta časovaja biaśpiečnaja prastora dla ludziej, jakija vyjšli z turmaŭ i vymušanyja pačynać žyćcio nanoŭ. Tut jany mohuć atrymać žyllo na dva miesiacy, nieabchodnyja rečy i bazavuju praduktovuju dapamohu.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary
A jeŝio ona raskidyvajet svoi hłupyje roliki po hruppam biełarusov na Facebook.