Prezientavany rolik z Emaj Stoŭn da Supierboŭła. Łaŭreatka «Oskara» ŭ im psichuje i łamaje noŭtbuki
Režysior Jorhas Łancimas prezientavaŭ rekłamny rolik da Supierboŭła-2026, u jakim źniaŭ svaju muzu Emu Stoŭn.
Pavodle siužetu, Ema Stoŭn žyvie ŭ vialikim zamku pasiarod mora i marna sprabuje zarehistravać internet-sajt z damiennym imiem, anałahičnym svajmu imieni i proźviščy. Usie sproby marnyja, i Ema raźbivaje noŭtbuki.
Ema pastajanna psichuje, złujecca, noŭtbuki niaŭchilna łamajucca i źniščajucca.
Rekłamu zamoviła amierykanskaja kampanija pa stvareńni internet-sajtaŭ Squarespace. Rolik źniaty ŭ čorna-biełych kolerach.
Finał pa amierykanskim futbole (Super bowl 2026) projdzie ŭ hetu niadzielu ŭ Santa-Kłary ŭ Kalifornii, kali ŭ Biełarusi budzie hłybokaja noč. U finalnym pajadynku zhulajuć «Ńju-Inhłend Petryjots» i «Sietł Sichoks».
Tranślacyja moža stać samaj papularnaj teletranślacyjaj u historyi: kanał NBC čakaje aŭdytoryju pamieram u 130 młn hledačoŭ.
Tradycyjna efir Super Bowl źjaŭlajecca samaj darahoj placoŭkaj dla rekłamy: za 30 siekund ekrannaha času kampanii płaciać ad $8 da 10 młn, a ŭvieś rekłamny invientar raspradajecca za paŭhoda da samaha mierapryjemstva.
Cheadłajnieram Super Bowl stanie puertarykanski repier Bad Bunny, jaki ŭžo ŭ minułuju niadzielu vyjhraŭ «Hremi». Pierad matčam amierykanski himn vykanaje Čarli Put.
Čakajecca rekłama ad Pepsico, jakuju źniaŭ novazieładziec Tajka Vajcici. Pavodle siužetu bieły miadźviedź budzie teścić koka-kołu i pepsi.
Budzie rekłama servisu dastaŭki ježy Uber Eats z akcioram Mećju Makkonachi. Łedzi Haha budzie rekłamavać nieruchomaść ad Rocket, a aktrysa El Faninh — majanez.
Buduć taksama prarekłamavanyja čypsy Lays (akcior, dakładniej, jaho ruka trymajecca ŭ tajamnicy). Pringles prarekłamuje Sabryna Karpienter.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary