Прэзентаваны ролік з Эмай Стоўн да Супербоўла. Лаўрэатка «Оскара» ў ім псіхуе і ламае ноўтбукі
Рэжысёр Ёргас Ланцімас прэзентаваў рэкламны ролік да Супербоўла-2026, у якім зняў сваю музу Эму Стоўн.
Паводле сюжэту, Эма Стоўн жыве ў вялікім замку пасярод мора і марна спрабуе зарэгістраваць інтэрнэт-сайт з даменным імем, аналагічным свайму імені і прозвішчы. Усе спробы марныя, і Эма разбівае ноўтбукі.
Эма пастаянна псіхуе, злуецца, ноўтбукі няўхільна ламаюцца і знішчаюцца.
Рэкламу замовіла амерыканская кампанія па стварэнні інтэрнэт-сайтаў Squarespace. Ролік зняты ў чорна-белых колерах.
Фінал па амерыканскім футболе (Super bowl 2026) пройдзе ў гэту нядзелю ў Санта-Клары ў Каліфорніі, калі ў Беларусі будзе глыбокая ноч. У фінальным паядынку згуляюць «Нью-Інглэнд Пэтрыётс» і «Сіэтл Сіхокс».
Трансляцыя можа стаць самай папулярнай тэлетрансляцыяй у гісторыі: канал NBC чакае аўдыторыю памерам у 130 млн гледачоў.
Традыцыйна эфір Super Bowl з’яўляецца самай дарагой пляцоўкай для рэкламы: за 30 секунд экраннага часу кампаніі плацяць ад $8 да 10 млн, а ўвесь рэкламны інвентар распрадаецца за паўгода да самага мерапрыемства.
Хэадлайнерам Super Bowl стане пуэртарыканскі рэпер Bad Bunny, які ўжо ў мінулую нядзелю выйграў «Грэмі». Перад матчам амерыканскі гімн выканае Чарлі Пут.
Чакаецца рэклама ад Pepsico, якую зняў новазеладзец Тайка Вайціці. Паводле сюжэту белы мядзведзь будзе тэсціць кока-колу і пэпсі.
Будзе рэклама сэрвісу дастаўкі ежы Uber Eats з акцёрам Мэцью Макконахі. Лэдзі Гага будзе рэкламаваць нерухомасць ад Rocket, а актрыса Эль Фанінг — маянэз.
Будуць таксама прарэкламаваныя чыпсы Lays (акцёр, дакладней, яго рука трымаецца ў таямніцы). Pringles прарэкламуе Сабрына Карпентэр.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»18
Каментары