Спартыўны арбітражны суд (CAS) абавязаў Міжнародную федэрацыю хакея (ІІХФ) дапусціць зборныя Расіі да міжнародных спаборніцтваў. Пра гэта паведаміў міністр спорту Расіі Міхаіл Дзегцяроў, піга sports.ru.
«Спартыўны арбітражны суд абавязаў Міжнародную федэрацыю хакея дапусціць зборныя Расіі да міжнародных спаборніцтваў. CAS адмяніў усе пяць рэзалюцый Рады ІІХФ і абавязаў дапусціць расійскія каманды да ўдзелу ў спаборніцтвах ІІХФ, на якія распаўсюджваліся названыя рэзалюцыі.
Такім чынам, CAS прызнаў патрабаванні Федэрацыі хакея Расіі па ключавых пунктах абгрунтаванымі і адмяніў рашэнні ІІХФ, якія перашкаджалі ўдзелу расійскіх каманд у міжнародных спаборніцтвах.
Згодна з пастановай суда, Міжнародная федэрацыя хакея абавязана забяспечыць удзел расійскіх каманд у адпаведных турнірах ІІХФ у сезоне 2026/27. Рашэнне CAS ставіць кропку ў гэтым пытанні, паколькі з'яўляецца канчатковым і не падлягае абскарджанню.
Бліжэйшае спаборніцтва — моладзевы чэмпіянат свету — адбудзецца ў Канадзе, у гарадах Эдмантан і Рэд-Дзір, у маі наступнага года ў Германіі пройдзе «дарослы» чэмпіянат свету.
Пасля пачатку поўнамаштабнай вайны Расіі супраць Украіны расійскі і беларускі хакей знаходзіцца ў міжнародным бане. Зборныя былі адхіленыя ад чэмпіянатаў свету і Алімпіядаў. Улетку да міжнародных спаборніцтваў вярнулі беларускі юнацкі і жаночы хакей, але моладзевая і нацыянальная зборныя тады пакінулі пад санкцыямі.
-
Гулец моладзевай зборнай Беларусі па хакеі прадэманстраваў свае лінгвістычныя здольнасці. Ён ведае пяць моў ВІДЭА
-
Улады Германіі заявілі пра «фактычную немагчымасць» правядзення ў сябе чэмпіянату свету па хакеі, калі ў ім будзе ўдзельнічаць Расія
-
На сайце футбольнага клуба «Катавіцы» памянялі сцяг: чырвона-зялёны на нацыянальны беларускі
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары