Premjerka Litvy adkazała Maryi Kaleśnikavaj nakont palapšeńnia adnosin ź Biełaruśsiu
Inha Ruhinienie pakul nie bačyć pierśpiektyŭ paciapleńnia znosin Litvy i Biełarusi.
U aŭtorak, 3 lutaha, premjer-ministr Inha Ruhinienie sustrełasia z Maryjaj Kaleśnikavaj, jakaja viarnułasia na volu paśla bolš jak piaci hadoŭ niezakonnaha źniavoleńnia. Taksama Kaleśnikava sustrełasia z sa staršynioj kiroŭnaj Sacyjał-demakratyčnaj partyi Litvy Mindaŭhasam Sinkiavičusam.
Na sustrečach Maryja zaklikała Litvu i inšyja jeŭrapiejskija krainy padtrymlivać namahańni ZŠA ŭ dačynieńni da Biełarusi, zaklikała pavialičyć mabilnaść hramadzian Biełarusi pamiž Litvoj i Biełaruśsiu, padkreślivajučy važnaść bolš intensiŭnaha ruchu ź Jeŭropaj i prapanoŭvajučy adnavić čyhunačnaje pasažyrskaje złučeńnie Minsk—Vilnia, a taksama abnavić aŭtobusnyja maršruty.
Premjer-ministr Litvy Inha Ruhinienie zajaviła, što zaraz nie bačyć mahčymaściaŭ dla hetaha.
«Zrazumiełaje imknieńnie apazicyi dać ludziam Biełarusi bolš mahčymaściaŭ ubačyć inšy ład, demakratyčny ład, ale pakul my adnaznačna nie bačym mahčymaściaŭ dazvolić bolš pajezdak, pierasiačeńniaŭ miažy, my pakul nie bačym mahčymaściaŭ zrabić adnosiny «bolš ciopłymi», pakul bačym adnaznačnuju pazicyju z boku Biełarusi — hibrydnyja ataki, šary, našy pieravozčyki nie atrymlivajuć nazad svaje aŭtamabili», — skazała premjer-ministr.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
bud́ u nich choť niemnoho bolšie mozhov davno by čietko razdielili svoje otnošienije k vłastiam i lubym jejo sotrudnikam, vpłoť do vachtierov v ispołkomie, i obyčnych ludiej.
piervym - žiestkije sankcii avtomatom, vtorym - praktičieski bieźviz.
śpiski piervych davno by užie sobrali s pomoŝju kibierpartizan i biełpoła.
no im žie tak proŝie - vsiech v odnu korzinu.