Biełarusu admovili ŭ polskim hramadzianstvie praz drobny štraf čatyrochhadovaj daŭniny
Biełarusu, jaki vosiem hadoŭ žyvie ŭ Polščy na padstavie pastajannaha dazvołu na žycharstva, atrymanaha pa Karcie palaka, admovili ŭ polskim hramadzianstvie z-za drobnaha štrafu. Infarmacyja pra heta źjaviłasia ŭ adnym z tematyčnych čataŭ, piša Biełaruskaja słužba Polskaha radyjo.
U adkazie ad imia mazavieckaha vajavody havorycca, što padčas pravierki byŭ ustanoŭleny fakt pakarańnia biełaruskaha hramadzianina za parušeńnie PDR štrafam u pamiery 200 złotych (kala 50 dalaraŭ). Pry hetym biełarus byŭ aštrafavany 17 žniŭnia 2021 hoda, a ŭžo praz dva dni, 19 žniŭnia, hety štraf apłaciŭ.
«Štraf, jakim byŭ pakarany zamiežnik, śviedčyć pra toje, što zamiežnik nie pavažaje i nie vykonvaje polskaje zakanadaŭstva», — havorycca ŭ adkazie.
U im taksama adznačajecca, što pavodziny biełarusa — prykład «ihnaravańnia polskaha zakanadaŭstva».
Nieviadoma, za što mienavita biełarus atrymaŭ štraf, adnak jaho nievialiki pamier na fonie vielmi vysokich štrafaŭ za parušeńni PDR u Polščy śviedčyć pra toje, što heta, chutčej za ŭsio, zusim drobnaje pravaparušeńnie.
Ciapier zamiežnych hramadzian, jakija imknucca atrymać polski pašpart, praviarajuć z usich bakoŭ. Akramia Ahienctva ŭnutranaj biaśpieki, palicyi i pamiežnaj słužby, zapyty taksama nakiroŭvajucca ŭ padatkovuju i transpartnuju inśpiekcyi i municypalnuju palicyju (Straż miejska).
Čempijon Polščy pa boksie, što raptoŭna viarnuŭsia ŭ Biełaruś, patłumačyŭ niečakanaje viartańnie
Siejm Polščy adchiliŭ zakonaprajekt ab uzmacnieńni strohaści pravił atrymańnia polskaha hramadzianstva
«Ty ź inšaha ciesta». Jak zastavacca biełarusami za miažoj samim i hadavać imi dziaciej
Biełaruskija dalnabojščyki masava cikaviacca «pašpartami RR». Voś jak taki pašpart robicca
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
200 złotych heta budzie sapraŭdy niejkaja drobiaź.
Kali hetamu čałavieku ŭ vyniku nie daduć pašpart paśla apielacyi, heta budzie značyć, što na Polšču nia treba budzie vytračać svajo žyćcio.