38‑hadovaha jurysta z Hrodna pasadzili za «abrazu» Łukašenki i «ekstremizm»
Juryj Jadkoŭski atrymaŭ prysud pa dvuch palityčnych artykułach.
Juryju Jadkoŭskamu 38 hadoŭ. Jon hrodzieniec. Paśla škoły atrymaŭ vyšejšuju adukacyju na jurydyčnym fakultecie Biełaruskaha instytuta pravaznaŭstva. Apošniaje jaho viadomaje miesca pracy — «Apis Plus». Heta hrodzienskaja kampanija, jakaja śpiecyjalizujecca na ŭstanoŭcy mietaličnych i mižpakajovych dźviarej, a taksama akazvaje roznyja bytavyja pasłuhi.
Juryj niekalki hadoŭ samastojna vučyć prahramavańnie i choča stać ajcišnikam. Jon skončyŭ niekalki profilnych kursaŭ i šukaŭ pracu.
Jadkoŭskaha aryštavali ŭ minułym hodzie i źmiaścili ŭ SIZA. Niadaŭna Juryja asudzili ŭ Hrodzienskim abłasnym sudzie pavodle č. 1 art. 368 (abraza Łukašenki) i č. 1 i 2 art. 361‑4 Kryminalnaha kodeksa Biełarusi (sadziejničańnie ekstremisckaj dziejnaści).
Juryju Jadkoŭskamu prysudzili kałoniju ci chimiju z nakiravańniem.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Naša Niva» — bastyjon biełaruščyny
PADTRYMAĆCiapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary
S kiem saša vojuješ ?