Były kiraŭnik Ofisa Zialenskaha Andrej Jarmak pry pryniaćci kadravych rašeńniaŭ moh kansultavacca z varažbitkaj
U Vyšejšym antykarupcyjnym sudzie Ukrainy padčas razhladu spravy ab miery strymańnia dla byłoha kiraŭnika Ofisa prezidenta Ukrainy Andreja Jermaka Śpiecyjalizavanaja antykarupcyjnaja prakuratura śćviardžała, što jon pry pryniaćci kadravych rašeńniaŭ nibyta kansultavaŭsia z varažbitkaj, paviedamlaje «Ukrainskaja praŭda».
Pa słovach prakuroraŭ, u kantaktach čynoŭnika hetaja žančyna była zapisanaja jak «Vieronika Fienšuj Ofis». Andrej Jarmak, jak śćviardžajecca, adpraŭlaŭ joj danyja pra daty naradžeńnia kandydataŭ na dziaržaŭnyja pasady i pytaŭsia parad pa ich pryznačeńniach.
U materyjałach suda zhadvajucca nibyta kansultacyi adnosna pryznačeńniaŭ na roznyja vysokija pasady ŭ dziaržaparacie, u tym liku ŭ śfiery achovy zdaroŭja, u Ofisie prezidenta i inšych ustanovach. Taksama prakuratura śćviardžaje, što jon charaktaryzavaŭ niekatorych asob jak «svaich ludziej».
Akramia hetaha, bok abvinavačańnia zajaŭlaje, što Jarmak moh mieć upłyŭ na pryznačeńni na vysokija dziaržaŭnyja pasady i patencyjna vykarystoŭvać heta dla ŭździejańnia na chod rasśledavańniaŭ abo dla abarony zacikaŭlenych asob.
Sama sprava, u miežach jakoj razhladajecca hetaja infarmacyja, tyčycca padazreńniaŭ u lehalizacyi kala 460 miljonaŭ hryŭniaŭ (10,5 miljona dalaraŭ), nibyta źviazanych z elitnym budaŭnictvam pad Kijevam. Śledstva taksama razhladaje mahčymyja suviazi hetych srodkaŭ z karupcyjnymi schiemami.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Vieranika, kali paśpieła źbiehčy, mo ŭžo padpałkoŭnik