Prezident Ukrainy Uładzimir Zialenski ŭvioŭ sankcyi suprać byłoha kiraŭnika Ofisa prezidenta Andreja Bohdana. Adpaviedny ŭkaz byŭ padpisany 2 maja i ŭvodzić u dziejańnie rašeńnie Rady nacyjanalnaj biaśpieki i abarony Ukrainy, paviedamlaje «Ukrainskaja praŭda».
U sankcyjny śpis hetym razam uklučyli piać fizičnych asob. Siarod ich nazvany Andrej Iosifavič Bohdan, hramadzianin Ukrainy, data naradžeńnia jakoha supadaje z danymi byłoha kiraŭnika Ofisa prezidenta.
Na sajcie prezidenta Ukrainy paviedamlajecca, što dziejańni hetych asob pahražajuć nacyjanalnym intaresam, biaśpiecy, suvierenitetu i terytaryjalnaj cełasnaści Ukrainy.
Akramia Bohdana, sankcyi taksama ŭviedzienyja suprać ukrainskaha biznesmiena Bahdana Pukiša, jakoha nazyvajuć paplečnikam kuma Pucina Viktara Miedźviedčuka, rasijskaha biznesmiena Ałana Kiruchina, a taksama dvuch pradstaŭnikoŭ rasijskaha alimpijskaha sportu — Stanisłava Pazdniakova i Michaiła Mamiašvili.
Abmiežavańni praduhledžvajuć pazbaŭleńnie dziaržaŭnych uznaharod Ukrainy, błakavańnie aktyvaŭ, spynieńnie handlovych apieracyj, pieraškody dla vyvadu kapitału za miežy krainy, spynieńnie licenzij i dazvołaŭ, a taksama zabaronu ŭdzielničać u pryvatyzacyi i arendzie dziaržaŭnaj majomaści.
Sankcyi ŭvodziacca na 10 hadoŭ. Pazbaŭleńnie dziaržaŭnych uznaharod dziejničaje biesterminova.
Andrej Bohdan uznačaliŭ administracyju prezidenta Ukrainy ŭ mai 2019 hoda adrazu paśla pieramohi Zialenskaha na prezidenckich vybarach. Adnak užo ŭ lutym 2020 hoda jon byŭ zvolnieny, a jaho miesca zaniaŭ Andrej Jarmak.
Paźniej Zialenski zajaŭlaŭ, što spačatku razhladaŭ Bahdana na pasadu hienieralnaha prakurora, ale z časam paličyŭ, što praca ŭ Ofisie prezidenta niehatyŭna na jaho paŭpłyvała i zrabiła kanfliktnym.
Sam Bohdan paśla zvalnieńnia vostra krytykavaŭ Zialenskaha i jaho kamandu. Taksama paźniej jon śćviardžaŭ, što deputaty ad partyi «Słuha naroda» atrymlivajuć hrošy ŭ kanviertach za patrebnyja hałasavańni ŭ Viarchoŭnaj Radzie.
U novy sankcyjny pakiet Ukrainy ŭvajšli 11 biełaruskich pradpryjemstvaŭ i 16 hramadzian Biełarusi. Siarod ich Šejman i syny Łukašenki
Zialenski zajaviŭ pra padpisańnie sankcyjnaha pakieta, u tym liku i suprać subjektaŭ ź Biełarusi
Zialenski asudziŭ rašeńnie ZŠA padoŭžyć pasłableńnie sankcyj suprać Rasii
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Bohdan Andrej mieniej hoda " adpracavał"))) kiraŭnikom administracyi
Chutka hod jak ab maradzierach kala" ofisa" u ofisie kamradaŭ kampańjenach kumaŭjach ...viadoma ..
Ałkaz pužałka zaviesa
Napad ź Biełarusi čarhovy hatujecca my Biełarusi biełarusam adkažam i ...sud pa Parašienku 7 hod
Patrebna viedać bieź illuzij ab abranaj uładzie v Ukrainie ...kab ni rasčaravacca znoŭ )))
Daviedka ...zavod ni adzin rasiejski jaki pavinien byŭ pierajści Ukrainie Dziaržavie raptam ...naležyć kamradam Andreja Nie ni Bohdana