Zialenski asudziŭ rašeńnie ZŠA padoŭžyć pasłableńnie sankcyj suprać Rasii
U svaim telehram-kanale prezident Ukrainy Uładzimir Zialenski śćviardžaje, što pasłableńnie sankcyj suprać Rasii nie adpaviadaje realnaj situacyi na vajnie i ŭ dypłamatyi, a naadvarot — stvaraje ŭ rasijskaha kiraŭnictva iluziju, što ahresiju možna praciahvać.
«Tolki za hety tydzień rasijanie vypuścili bolš za 2360 udarnych dronaŭ, zvyš 1320 kiravanych avijacyjnych bombaŭ i amal 60 rakiet roznych typaŭ pa našych haradach i hramadach», — pryvodzić statystyku Zialenski.
Asobna padkreślivajecca, što dachody ad prodažu rasijskaj nafty faktyčna iduć na finansavańnie vajny. Pavodle acenki Zialenskaha, u mory znachodzicca bolš za 110 tankieraŭ tak zvanaha «cieniavoha fłotu», jakija pieravoziać zvyš 12 miljonaŭ ton nafty. Heta moža prynosić Rasii kala 10 miljardaŭ dalaraŭ, jakija vykarystoŭvajucca dla praciahnieńnia bajavych dziejańniaŭ.
Jon robić vysnovu, što treba, naadvarot, uzmacniać cisk suprać Rasii: abmiažoŭvać ekspart nafty i pieraškadžać dastaŭcy tankieraŭ u party.
Pierad hetym 18 krasavika administracyja Donalda Trampa padoŭžyła dziejańnie vyklučeńniaŭ, jakija dazvalajuć krainam kuplać padsankcyjnuju rasijskuju naftu i naftapradukty. Vašynhton imkniecca takim čynam strymać suśvietnyja ceny na enierhanośbity, jakija rezka vyraśli na fonie amierykanska-izrailskaj vajny ź Iranam.
Ministerstva finansaŭ ZŠA dazvoliła kuplać naftu, zahružanuju na sudny pa stanie na piatnicu, da 16 maja — heta padaŭžeńnie pieršapačatkovaha 30‑dzionnaha dazvołu, termin dziejańnia jakoha skončyŭsia 11 krasavika, vynikaje z dakumienta, apublikavanaha na sajcie viedamstva.
Pry hetym pradaŭžeńnie było aformlena praz dva dni paśla taho, jak ministr finansaŭ Skot Biesent zajaviŭ, što Vašynhton nie budzie praciahvać dazvoł, jaki dazvalaŭ krainam nabyvać rasijskuju naftu biez ryzyki sankcyj ZŠA.
ZŠA padoŭžyli prypynieńnie sankcyj suprać rasijskaj nafty
Tramp dazvolić Pucinu praciahvać handlavać naftaj biez abmiežavańniaŭ praz adsutnaść miru ź Iranam
U Jeŭropie enierhietyčny kryzis. Ci budzie jana znoŭ kuplać naftu i haz u Rasii?
Jeŭropa maje zapasy avijapaliva tolki da leta. Čamu tak stałasia i što rabić?
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary
Kamu jon heta kaža? Trampu? Chiba tankiery iduć u party ZŠA? Nie. Niachaj skaža heta tym krainam, jakija kuplajuć rasiejskuju naftu.
Jeŭropa niachaj spyniaje impart rasiejskich enierhanośbitaŭ.