Biełarus pra adstaŭku Fiodarava: Viera ŭ niepahrešnaha technakrata nievykaranialnaja
«Žyvie ŭjaŭleńnie, što biznes-praktyki sa śfiery, jakaja stała paśpiachovaj šmat u čym praz spryjalnuju mižnarodnuju kanjunkturu i volu Božuju, možna spakojna i lohka skapijavać i maštabavać na dziaržaŭnaje ŭpraŭleńnie, abaronu i palityčnuju śfieru. LIčbavizavać dziela ličbavizacyi», — piša ŭ siabie ŭ fejsbuku biznes-analityk Maksim Machańkoŭ.
Kanflikt va Ukrainie vakoł pasady ministra abarony, piersanalny kanflikt Fiodarava i Syrskaha, a taksama reakcyja ŭkrainskaha hramadstva na hety kanflikt padśviaciła adzin cikavy fienomien.
Skažu adrazu, ja nie budu krytykavać ni Fiodarava, ni Syrskaha, ni luboha inšaha ŭkrainskaha vajskoŭca ci cyvilnaha, zaniataha ŭ abaronie, jakija razam baroniać Ukrainu ad rusafašysckaj hadziny — chvała i pavaha kožnamu ź ich.
Ale pra pratesty ŭsio ž skazać varta. Absalutna ŭpeŭnieny ŭ tym, što bolšaść ludziej vyjšła na pratesty nie za Fiodarava jak takoha. Bolš za toje, ja absalutna ŭpeŭnieny, što bolšaść pratestoŭcaŭ u pryncypie sabie słaba ŭjaŭlajuć, jak aceńvać efiektyŭnaść pracy ministra abarony padčas vajny. Biez abraz, kijeŭskija chipstary z kaviarniaŭ treciaj chvali, ajcišniki, i intelektualna-kreatyŭnaja burbałka.
Bolšaść ludziej (akramia vajskoŭcaŭ, u jakich jość kankretnyja pretenzii da Syrskaha) padtrymlivajuć Fiodarava, bo ŭ postsavieckaj Uschodniaj Jeŭropie dahetul žyvie infantylnaje ŭjaŭleńnie pra ministerskuju pasadu jak takuju, jakaja musić być čysta biurakratyčna-technakratyčnaj. Palityčny składnik časta prosta ihnarujecca (albo prosta vynosicca za dužki), a miž inšym jon zastajecca klučavym.
Žyvie mocnaja i nievykaranialnaja viera ŭ niepahrešnaha technakrata (jakaja ŭ vypadku ź Fiodaravym pamnožanaja na razdźmutaje eha ŭschodniejeŭrapiejskaj IT-burbałki, jakaja ličyć siabie pupam ziamli). Žyvie ŭjaŭleńnie, što biznes-praktyki sa śfiery, jakaja stała paśpiachovaj šmat u čym praz spryjalnuju mižnarodnuju kanjunkturu i volu Božuju, možna spakojna i lohka skapijavać i maštabavać na dziaržaŭnaje ŭpraŭleńnie, abaronu i palityčnuju śfieru. Ličbavizavać dziela ličbavizacyi.
Mała chto razumieje, što heta tak nie pracuje, i što navat u krainie, jakaja vajuje, ministr abarony heta palityčnaja pasada. I kali ty prajhraješ aparatnuju baraćbu — ty idzieš z pasady. I nijakaja statystyka pa kolkaści raspracavanych dronaŭ i inšych technična-biurakratyčnych detalaŭ nie moža heta pierakreślić.
Sił i pieramohi ŭkrainskamu vojsku i palityčnamu kiraŭnictvu.
«Zaściłajcie łožak». Dzianis «Redzis» Prakapienka adkamientavaŭ zvalnieńnie Fiodarava mietafaryčna
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Stała viadoma, kaho Zialenski choča pryznačyć ministram abarony. Ale jaho treba jašče zvolnić z vojska
Zialenski prapanavaŭ novuju pasadu byłomu ministru abarony, ale toj admoviŭsia
Namieśnik kamandujučaha ŭkrainskich VPS padaŭ u adstaŭku praz zvalnieńnie ministra abarony
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
Pry hetym isnavańnie takoha mifa-stereatypa ŭ hramadstvie zusim nie aznačaje, što kankretny ministr "vyjazdžaŭ" tolki na im.
Kab rabić vysnovy takoj upeŭnienaści, treba razhladzieć jahonyja realnyja dasiahnieńni, nakont "nie palityk" taksama arhumientavać, uličyć płany reformy sistemy zakupak i h.d.