Jeŭrapiejskija dypłamaty nie buduć pakidać Kijeŭ paśla pahroz Maskvy
U Jeŭrasajuzie zajavili, što nie źbirajucca skaračać svaju dypłamatyčnuju prysutnaść u Kijevie, niahledziačy na pahrozy z boku Rasii nanieści ŭdary pa ŭkrainskaj stalicy, piša Deutsche Welle.
Pradstaŭnik źniešniepalityčnaj słužby ES Anuar El-Anuni adznačyŭ, što pahrozy Maskvy razhladajucca jak častka eskałacyi kanfliktu. Pavodle jaho słoŭ, pazicyja Jeŭrasajuza adnosna padtrymki Ukrainy i prysutnaści ŭ Kijevie nie źmienicca.
U Brusieli taksama abvinavacili Rasiju ŭ sprobach pierakłaści adkaznaść za vajnu na Ukrainu. U ES nahadali, što rasijskija ataki ŭžo raniej nanosili paškodžańni dypłamatyčnym misijam u Kijevie, u tym liku pradstaŭnictvu Jeŭrasajuza.
Raniej pradstaŭnica MZS Rasii Maryja Zacharava paviedamiła, što Maskva zaklikała zamiežnyja dypłamatyčnyja misii zahadzia evakujavać supracoŭnikaŭ z Kijeva. Pavodle jaje słoŭ, Rasija moža nanieści «ŭdar u adkaz», kali Ukraina parušyć abvieščanaje Maskvoj adnabakovaje pieramirje na 8 i 9 maja.
U adkaz prezident Ukrainy Uładzimir Zialenski zajaviŭ, što Kijeŭ hatovy spynić ahoń raniej, z 6 maja, kali Rasija taksama zrobić heta. Paśla taho, jak heta adbyłosia, jon abvinavaciŭ Maskvu ŭ parušeńni režymu cišyni i papiaredziŭ, što Ukraina budzie adkazvać «lusterkava».
Maskva zaklikała ŭłady zamiežnych krain evakujavać dypłamataŭ z Kijeva
Rasija nočču sarvała režym cišyni
Ukraina abviaściła režym cišyni z 0:00 6 maja
U Rasii abjavili pieramirje na 8 i 9 maja i pahražajuć udaryć pa centry Kijeva
Uładzimir Zialenski adkazaŭ na pytańnie, «ci ŭkrainskaja delehacyja palacić na parad u Maskvu»
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary