У Еўрасаюзе заявілі, што не збіраюцца скарачаць сваю дыпламатычную прысутнасць у Кіеве, нягледзячы на пагрозы з боку Расіі нанесці ўдары па ўкраінскай сталіцы, піша Deutsche Welle.
Прадстаўнік знешнепалітычнай службы ЕС Ануар Эль-Ануні адзначыў, што пагрозы Масквы разглядаюцца як частка эскалацыі канфлікту. Паводле яго слоў, пазіцыя Еўрасаюза адносна падтрымкі Украіны і прысутнасці ў Кіеве не зменіцца.
У Бруселі таксама абвінавацілі Расію ў спробах перакласці адказнасць за вайну на Украіну. У ЕС нагадалі, што расійскія атакі ўжо раней наносілі пашкоджанні дыпламатычным місіям у Кіеве, у тым ліку прадстаўніцтву Еўрасаюза.
Раней прадстаўніца МЗС Расіі Марыя Захарава паведаміла, што Масква заклікала замежныя дыпламатычныя місіі загадзя эвакуяваць супрацоўнікаў з Кіева. Паводле яе слоў, Расія можа нанесці «ўдар у адказ», калі Украіна парушыць абвешчанае Масквой аднабаковае перамір’е на 8 і 9 мая.
У адказ прэзідэнт Украіны Уладзімір Зяленскі заявіў, што Кіеў гатовы спыніць агонь раней, з 6 мая, калі Расія таксама зробіць гэта. Пасля таго, як гэта адбылося, ён абвінаваціў Маскву ў парушэнні рэжыму цішыні і папярэдзіў, што Украіна будзе адказваць «люстэркава».
Масква заклікала ўлады замежных краін эвакуяваць дыпламатаў з Кіева
Расія ноччу сарвала рэжым цішыні
Украіна абвясціла рэжым цішыні з 0:00 6 мая
У Расіі аб'явілі перамір'е на 8 і 9 мая і пагражаюць ударыць па цэнтры Кіева
Уладзімір Зяленскі адказаў на пытанне, «ці ўкраінская дэлегацыя паляціць на парад у Маскву»
Цяпер чытаюць
Колькасць судоў па палітычных крыміналках зменшылася ў разы24
Каментары