Łahatyp Hoda biełaruskaj žančyny vyznačany ŭ Biełarusi, paviedamiła BiełTA staršynia Biełaruskaha sajuza žančyn Volha Špilevič.
Paviedamlajecca, što Biełaruski sajuz žančyn inicyjavaŭ konkurs na stvareńnie łahatypa nieŭzabavie paśla taho, jak Łukašenkam była abvieščana tematyka 2026 hoda.
«Nam chaciełasia pahladzieć, jak dziaŭčaty, žančyny bačać hety łahatyp, jak jaho ŭjaŭlajuć. Kožnaja mahła, hruntujučysia na intuicyi i pačućciach, pramalavać svoj varyjant. Pry hetym jakich-niebudź paramietraŭ my nie zadavali. My mierkavali, što sami biełaruskija žančyny pavinny prapanavać simvał ciapierašniaha hoda», — skazała Volha Špileŭskaja.
Konkurs pravodziŭsia siarod usich abłasnych, abjadnanych, piarvičnych arhanizacyj Biełaruskaha sajuza žančyn. Było pradstaŭlena bolš za 100 roznych varyjantaŭ.
Pieramožcam konkursu stała lidar moładzievaha kryła Vaŭkavyskaj rajonnaj arhanizacyi Biełaruskaha sajuza žančyn Jaŭhienija Pahraničnaja. Jana fatohraf, raniej prezientavała niekalki ŭłasnych fotavystaŭ.
Pa słovach Volhi Špileŭskaj, vybar na karyść raboty Jaŭhienii Pahraničnaj byŭ adnadušnym.
«Usie syšlisia na tym, što ŭ hetym varyjancie jość usio: i simvolika krainy — čyrvona-zialonyja tony, arnamient, i vasilok — simvał Biełarusi i BSŽ, i, viadoma, vobraz biełaruskaj žančyny, u jakim pračytvajecca lohkaść i siła, dabrynia i pryhažość», — patłumačyła vybar staršynia Biełaruskaha sajuza žančyn.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary
Dzie šyrako pasažienyja hłaza, dzie stranica insty s fotohrafijej iz OAE, dzie nadpis "žestačajšie" na pojaśnicie, dzie eta vsioo?