Nasupierak raspaŭsiudžanamu stereatypu pra stabilnaść mužčynskaha arhanizma navukovyja daśledavańni i kliničnaja praktyka pakazvajuć, što mužčyny taksama schilnyja da značnych harmanalnych vahańniaŭ. Choć hety stan kardynalna adroźnivajecca ad žanočaj mienstruacyi, jaho ŭpłyŭ na psichiku i fizičny stan mužčyny moža być nie mienš adčuvalnym.
Adznačym adrazu: kali my kažam pra mienstruacyju ŭ kłasičnym bijałahičnym sensie, to jana ŭ cyshiendarnych mužčyn adsutničaje pa zrazumiełych pryčynach — u ich niama adpaviednych orhanaŭ. Adnak heta nie značyć, jak piša vydańnie Healthline, što harmanalny fon u mužčyn całkam statyčny.
Testasteron — asnoŭny mužčynski pałavy harmon — pastajanna vahajecca. Jaho ŭzrovień zvyčajna vyšejšy ranicaj i nižejšy ŭviečary, jon taksama moža źmianiacca navat ad dnia da dnia.
Niekatoryja daśledčyki śćviardžajuć, što hetyja harmanalnyja vahańni mohuć vyklikać simptomy, jakija imitujuć pieradmienstrualny sindrom (PMS), uklučajučy pryhniečanaść, stomlenaść, tryvožnaść, razdražnialnaść i źnižeńnie libida.
Psichaterapieŭt Džed Dajmand u svajoj adnajmiennaj knizie ŭvioŭ termin «sindrom mužčynskaj razdražnialnaści» (SMR), kab apisać hetyja vahańni i stan, jaki jany vyklikajuć.
Jaho kancepcyja hruntujecca na realnych prykładach pavodzin mlekakormiačych, jakija apisaŭ šatłandski daśledčyk Džerald Linkaln u 2002 hodzie. Naprykład, u baranoŭ parody soej nazirajecca charakterny hadavy cykł: padčas siezona sparvańnia ŭ kancy vosieni ŭzrovień testasteronu rezka ŭźlataje, a z nadychodam zimy — hetak ža rezka padaje.
U pieryjad źnižeńnia harmonu žyvioły stanoviacca niervovymi, zamknionymi i pačynajuć pavodzić siabie iracyjanalna. Padobnyja schiemy byli zafiksavanyja i ŭ inšych pradstaŭnikoŭ fauny: vysakarodnych aleniaŭ i navat indyjskich słanoŭ.
Ekśpierty adznačajuć, što ŭ mužčyn taksama isnujuć siezonnyja vahańni testasteronu (ź pikam u listapadzie i źnižeńniem u krasaviku), a taksama ŭzrostavyja źmieny. Paśla 30 hadoŭ uzrovień harmonu pastupova źnižajecca. Asobna vyłučajuć andrapaŭzu — stan, źviazany z pastupovym harmanalnym zhasańniem u mužčyn siaredniaha ŭzrostu.
Simptomy SMR na fonie źnižeńnia testasteronu mohuć nahadvać žanočy PMS, adnak jany nie padparadkoŭvajucca strohaj fizijałahičnaj zakanamiernaści i mohuć uźnikać nierehularna. Da ich zvyčajna adnosiać: adčuvańnie tumanu ŭ hałavie; depresiŭny nastroj i hnieŭ; źnižanuju samaacenku i emacyjnuju ŭraźlivaść.
Pakolki sindrom mužčynskaj razdražnialnaści nie źjaŭlajecca aficyjnym miedycynskim dyjahnazam, jaho «lačeńnie» zaklučajecca ŭ karekciroŭcy ładu žyćcia. Zdarovaje charčavańnie, fizičnyja praktykavańni, admova ad škodnych zvyčak i praca sa stresam dapamahajuć stabilizavać stan.
Adnak, kali emacyjnaja niestabilnaść ci stomlenaść zaminajuć narmalna žyć, varta źviarnucca da endakrynołaha abo psichaterapieŭta.
Ciapier čytajuć
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»18
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary