Było z 8:00 da 20:00, a stanie z 8:00 da 18:00.
U Minsku adbylisia źmieny ŭ pracy płatnych aŭtamabilnych parkovak. Pra heta paviedamiŭ kiraŭnik abjadnańnia «Haražy, aŭtastajanki i parkoŭki» Andrej Zyranaŭ paśla pasiadžeńnia Minharvykankama, piša BiełTA.
Adno z hałoŭnych novaŭviadzieńniaŭ — skaračeńnie času ich pracy. Ciapier bolšaść parkovak budzie płatnaj z 8:00 da 18:00, a nie da 20:00, jak raniej. Vyklučeńnie zrobiać tolki dla parkovak u Vierchnim horadzie i na vulicy Zamkavaj.
Paśla zaviaršeńnia płatnaha času parkovačnyja miescy stanuć biaspłatnymi.
Heta, na dumku pradstaŭnikoŭ haradskich słužbaŭ, pavinna dapamahčy tamu, kab aŭtamabili rabotnikaŭ pakidali centralnyja zony, a žychary mahli biez apłaty stavić mašyny kala damoŭ. Pry hetym uładalnikaŭ aŭto zaachvočvajuć vyzvalać miescy paśla 8‑j ranicy dla inšych udzielnikaŭ ruchu.
Jašče adna źmiena — pašyreńnie mahčymaści nabyćcia abaniemientaŭ. Ciapier ich možna budzie kuplać nie tolki na adkrytyja, ale i na zakrytyja parkoŭki ŭ druhoj i treciaj zonach. Vyklučeńnie zastajecca dla Vierchniaha horada i vulicy Zamkavaj.
Košt abaniemienta na adnu parkoŭku ŭ druhoj zonie abo na Zamkavaj składzie 100 rubloŭ u miesiac, u treciaj zonie — 50 rubloŭ. Abaniemient na ŭsie parkoŭki druhoj zony budzie kaštavać 200 rubloŭ, treciaj — 100. Pačatak prodažu abaniemientaŭ na zakrytyja parkoŭki abiacajuć abviaścić dadatkova.
Nabyć abaniemient možna praz sajt parkouka.by, u kasie ŭstanovy abo z dapamohaj sistemy JERIP. Na tym ža sajcie dastupnaja pravierka najaŭnaści parušeńniaŭ pa numary aŭtamabila.
Taksama płanujecca zapusk mabilnaha dadatku, jaki moža stać dastupnym užo z 1 sakavika. Jon amal całkam hatovy i budzie faktyčna mabilnaj viersijaj sajta, zručnaj dla apłaty, navihacyi i karystańnia inšymi ličbavymi servisami.
Akramia taho, u pieršym kvartale 2026 hoda ŭ Minsku źjavicca jašče vosiem parkovak prykładna na 2 tysiačy mašyna-miescaŭ. Najbujniejšaja ź ich — kala «Čyžoŭka-Areny» — raźličanaja prykładna na 1,3 tysiačy aŭto. Usiaho ž ciaham hoda ŭ stalicy płanujuć stvaryć bolš za 4 tysiačy novych miescaŭ dla parkoŭki.
Sioleta taksama majuć namier ukaranić śpiecyjalny mabilny kompleks dla fiksacyi faktaŭ nieapłaty parkovak. Sistema budzie sčytvać numarnyja znaki, praviarać apłatu i ŭ vypadku parušeńnia aŭtamatyčna farmiravać pretenzii.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary