«Voś takija ŭ nas ludzi». Biełarus pačyściŭ miesca dla parkoŭki, ale jaho adrazu zaniali
Svajoj historyjaj mužčyna padzialiŭsia ŭ sacyjalnych sietkach. Jon raskazaŭ, što samastojna pačyściŭ ad śniehu dva parkovačnyja miescy ŭ dvary, ale nastupstvy jaho nie zadavolili. Historyja vyklikała burnuju sprečku ŭ sacsietkach, zaŭvažyła BGmedia.
«Pačyściŭ siońnia dva miescy. Dumaju, niachaj budzie — mnie nie škada. Było adno nie prybranaje. A čałaviek zamiest taho, kab pačyścić sabie miesca ad śniehu, zajechaŭ na ŭžo prybranaje. Voś takija ŭ nas ludzi», — kaža aŭtar rolika.
Videa i dopis vyklikali haračuju dyskusiju: biełarusy padzialilisia na dva łahiery.
Častka kamientataraŭ paličyła, što aŭtar sam vinavaty ŭ situacyi, bo parkoŭka ŭ dvary — ahulnaja:
«Čystaje miesca ličycca tvaim, pakul na im staić tvaja mašyna. Źjechaŭ — miesca ŭžo nie tvajo».
«Kaža, što jamu nie škada, a sam źniaŭ videa. Voś takija ŭ nas ludzi».
«Heta jakim treba być naiŭnym, kab pačyścić miesca i čakać, što tam budzieš parkavacca tolki ty?»
«U mianie była takaja ž situacyja: pačyściła vakoł svajoj mašyny i susiedniaj. U vyniku pryjechała — parkavacca niama dzie. Prosta kryŭdna».
Što kaža zakon pra parkoŭku ŭ dvarach
Parkoŭka na prydamavych terytoryjach u Biełarusi źjaŭlajecca ahulnaj i biaspłatnaj.
Uborka śniehu nie daje prava ŭłasnaści na kankretnaje miesca — zaniać jaho moža luby kiroŭca.
Bolš za toje, ciapier prybirać śnieh — heta nie prava, a abaviazak. Zhodna z novymi praviłami, fizičnyja asoby i arhanizacyi abaviazanyja prybirać śnieh vakoł svajho transpartu na prydamavych terytoryjach u radyusie adnaho mietra.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary