Naŭsieda: Tranzit uhnajeńniaŭ niemahčymy, pakul laciać šary ź Biełarusi
Prezident Litvy zajaviŭ, što pra adnaŭleńnie tranzitu biełaruskich uhnajeńniaŭ praź Litvu nie moža być i havorki, pakul ź Biełarusi laciać kantrabandnyja mieteazondy, paviedamlaje LRT.
«Hetyja razmovy (pra tranzit uhnajeńniaŭ) absalutna nie majuć pad saboj padstaŭ i nie buduć mieć ich uvohule, pakul chacia b adzin šar ź biełaruskaha boku budzie lacieć u Litvu», — skazaŭ kiraŭnik litoŭskaj dziaržavy žurnalistam u čaćvier.
«My całkam zabłakujem hetaje pytańnie, i nichto ŭ śviecie nie źmienić naša mierkavańnie», — dadaŭ jon.
Pa słovach Naŭsiedy, paśla incydentu z kantrabandnymi mieteazondami ŭ aŭtorak, kali Vilenski aeraport byŭ vymušany try razy prypyniać pracu, amierykanski bok vykazaŭ Minsku žorstkuju pazicyju: padobnyja dziejańni mohuć pastavić pad pahrozu praces palapšeńnia dvuchbakovych adnosin.
«Na žal, my majem spravu sa składanaj dziaržavaj, składanym susiedstvam, i, nakolki mnie viadoma, niekatory čas tamu biełarusy dali abiacańnie našym sajuźnikam-amierykancam — pakolki tyja padtrymlivajuć bolš ciesnyja suviazi — što jany vyrašać pytańnie z šarami. I, nakolki mnie viadoma, pradstaŭniki ZŠA vielmi apieratyŭna adreahavali na hety novy incydent i ŭ davoli rezkaj rytorycy zajavili, što heta absalutna niedapuščalna i luboje žadańnie budavać bolš kanstruktyŭnyja adnosiny ź Biełaruśsiu budzie tarpiedavacca pa vinie samich biełarusaŭ, kali heta budzie praciahvacca», — padkreśliŭ prezident Litvy.
Uviečary ŭ aŭtorak była zafiksavana najbolšaja sioleta kolkaść kantrabandnych mieteazondaŭ ź Biełarusi. Z-za hetaha pracu Vilenskaha aeraporta daviałosia spyniać try razy, što zakranuła 1,7 tysiačy pasažyraŭ. Pierad hetym aeraport zakryvaŭsia 6 śniežnia 2025 hoda.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali24
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary