Stali viadomyja padrabiaznaści spravy kantrabandysta z Drahičynskaha rajona, jakoha sudzili za «teraryzm»
U siaredzinie studzienia źjaviłasia paviedamleńnie, što siamiejnuju paru Dźmitryja i Volhu Kapuzaŭ z Drahičynskaha rajona asudzili na 24 i 21 hod pazbaŭleńnia voli adpaviedna. Taksama paru ŭnieśli ŭ «śpis terarystaŭ». Dźmitryja i Volhu abvinavačvali ŭ «teraryźmie» i «niezakonnych dziejańniach z bojeprypasami». Były palitviazień, jaki znachodziŭsia ŭ źniavoleńni razam ź Dźmitryjem Kapuzam, raskazaŭ «Bieraściejskaj viaśnie» pra toje, što, pavodle słoŭ samoha asudžanaha, stajała za jahonym prysudam.
Pra spravu Dźmitryja i Volhi Kapuzaŭ z Drahičynskaha rajona doŭhi čas amal ničoha nie było viadoma, bo sud prachodziŭ u zakrytym režymie.
Sa słoŭ sukamiernika, spačatku Dźmitryju Kapuzu inkryminavali teraryzm, ale paźniej abvinavačańnie źmianili na «zdradu dziaržavie». Sam Kapuza tłumačyŭ, što zajmaŭsia kantrabandaj u pryhraničnaj vioscy Svaryń: pieravoziŭ burštyn, cyharety i ałkahol. Adno sa schoviščaŭ, vierahodna, trapiła ŭ pole zroku siłavikoŭ, i, pavodle jaho słoŭ, tudy była padkinuta vybuchoŭka.
Pry zatrymańni ŭ pačatku 2024 hoda, kali Kapuza padjazdžaŭ da doma, ludzi ŭ cyvilnym vyskačyli ź mikraaŭtobusa i biez papiaredžańnia dvojčy strelili jamu ŭ nahu. Miedycynskuju dapamohu jon atrymaŭ minimalnuju, niahledziačy na ciažkija ranieńni. Paśla jaho katavali: źbivali, u tym liku ŭ KDB, pahražali, a padčas «śledčaha ekśpierymientu» — užo biez abarony advakatki — žorstka ździekavalisia. Sam Kapuza śćviardžaŭ, što pra vybuchoŭku ničoha nie viedaŭ i ŭ schoviščy pavinien byŭ być tolki burštyn.
Pavodle śviedki, razam z Kapuzami zatrymali jašče dziesiać čałaviek, bolšaść ź jakich paźniej adpuścili. Niekalki aryštavanych, u tym liku sam Dźmitryj, viny nie pryznali. Usie jany, sa słoŭ byłoha palitviaźnia, padviarhalisia žorstkim źbićciam. Paźniej, užo ŭ SIZA, Dźmitryj vyhladaŭ mocna źniasilenym i značna pastarełym. Jon kazaŭ, što navat nie moh ujavić, što kantrabandu pierakvalifikujuć u «špijanaž», bo dla pryhraničnych viosak taki handal — sposab vyžyvańnia.
Taksama surazmoŭca zhadaŭ pra inšuju spravu — Dźmitryja i Aksany Małočkaŭ z Baranavičaŭ. Ich asudzili na 12 i 8 hadoŭ pazbaŭleńnia voli za «zdradu dziaržavie», choć faktyčna havorka nibyta išła pra fatahrafavańnie ciahnika z vajskovaj technikaj bieź jakoha-niebudź špijonskaha namieru.
Ciahnikovamu dyśpietčaru, aryštavanamu za karupcyju, dadali abvinavačańnie ŭ «zdradzie dziaržavie»
Viktoryja Kulša, jakuju sudzili znoŭ i znoŭ piać razoŭ: Kali na ziamli isnuje piekła, to jano ŭ kałonii ŭ Zareččy
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta10
Kamientary
Naskolko žie tam vsio shniło i provoniało, čto, radi łady-viesty, priemii, viedomstviennoj kvartiry, povyšienija, nievinovnych ludiej, otpravlajut na 25 let v tiuriahu.