U raskładzie biełaruskich telekanałaŭ Zimovaj Alimpijady pakul niama.
Siońnia a 22‑j pa minskim časie ŭ Miłanie na stadyjonie «San-Sira» adbudziecca aficyjnaje adkryćcio Zimovaj Alimpijady.
Na cyrymonii vystupiać italjanski tenar Andrea Bačeli, amierykanskaja śpiavačka Meraja Kery i italjanskaja śpiavačka Łaŭra Paŭzini.
U raskładzie biełaruskich telekanałaŭ Zimovaj Alimpijady pakul niama. «Biełaruś-5» płanuje ŭ hety čas pakazvać turnir spartyŭnych adzinaborstvaŭ i matč čempijanatu Ispanii pa futbole «Selta» — «Asasuna».
Na zaŭtra taksama tranślacyj nie zapłanavana, choć buduć vystupać Hanna Karalova ŭ łyžnych honkach i Maryna Zujeva (kańki)
Telekanał «Sport-TB-Biełaruś» čempijanat Polščy pa futbole, pryčym lubimuju kamandu prezidenta Polščy, «Sport-TB» — čempijanat Italii.
Moža, da viečara niešta vyrašycca.
Hladzieć tranślacyi možna na aficyjnym sajcie Alimpijady.
Zvyčajna dla kožnaj krainy — svoj słot, i prahlady biaspłatnyja. Alimpijadu ŭ Paryžy-2024 taksama ŭ internecie tranślavali Jeŭrasport-1 i Jeŭrasport-2.
U Rasii Hulni budzie tranślavać partał Okko.
U kožnaj krainie jość svoj viaščalnik, jaki maje pravy na pakaz. U Polščy heta TVP, Litvie — LRT, Łatvii — LTV, Hiermanii — ARD, ZDF, Francyi — France Television, ZŠA — NBC.
Tam tranślacyi biaspłatnyja, mahčyma, dastatkova zarehistravacca pakinuŭšy mejł i adzin raz zajšoŭšy pa spasyłcy.
Siońnia pačynajucca Zimovyja Alimpijskija hulni
Raskład spabornictvaŭ biełaruskich spartoŭcaŭ na Alimpijadzie-2026
Džej Dzi Vens prylacieŭ na Alimpijadu ŭ Miłan z fłotam z 14 samalotaŭ i kartežam z 100 aŭtamabilaŭ
Na Zimovuju Alimpijadu ŭ Italiju jedzie katastrafična nizkaja kolkaść biełaruskich spartoŭcaŭ
Biełaruskija bijatłanisty nie trapili na Alimpijadu — navat u niejtralnym statusie
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary