U piatnicu ŭ italjanskich Miłanie i Karcinie-d'Ampieca adbudziecca adkryćcio Zimovych alimpijskich hulniaŭ. Italija prymaje Zimovuju Alimpijadu ŭžo treci raz (1956, 2006, 2026). Spabornictvy pačnucca ŭžo zaŭtra, ale pieršyja miedali buduć razyhranyja ŭ subotu.
Biełaruś na Alimpijadzie budzie pradstaŭlena minimalnaj kolkaściu spartoŭcaŭ, usiaho siem čałaviek.
Biełaruski bijatłon i chakiej, jak i rasijski, znachodziacca pad banam, a ŭ miedalny frystajł adabralisia tolki dziaŭčaty.
Skład biełaruskaj delehacyi vyklučna žanočy: u Italii vystupiać siamiora dziaŭčat.
Heta Hanna Huśkova, Hanna Dziaruha, Anastasija Andryjanava (frystajł), Maryna Zujeva (kańki), Hanna Karalova (łyžy), Maryja Škanava (hornyja łyžy), Viktoryja Safonava (fihurnaje katańnie).
Pieršymi vystupiać u subotu, 7 lutaha, Hanna Karalova ŭ łyžnym skijatłonie na 20 km (10+10 km) pačnucca a 15.00 pa Minsku). Maryna Zujeva budzie ŭdzielničać u zabiehu na 3000 m (a 18.00).
Łyžnyja honki (sprynt u kłasičnym styli) z Hannaj Karalovaj adbuducca ŭ 11.15 u aŭtorak, 10 lutaha.
Praź dzień, 12 lutaha, — łyžnyja honki (Hanna Karalova), raździelnaja honka na 10 km, jakaja pačynajecca a 15.00. A 18.30 taho ž dnia — kańkabiežny sport, 5000 m (Maryna Zujeva).
Spabornictvy pa łyžnaj akrabatycy ŭ frystajle (Hanna Huśkova, Hanna Dziaruha, Anastasija Andryjanava) adbuducca 17 lutaha; Kvalifikacyja pačniecca ŭ 12:45, finał (treba trapić u top-12) projdzie 18 lutaha (13:30).
Hanna Huśkova zavajavała zołata na Alimpijadzie-2018 i srebra na Alimpijadzie-2022.
U toj ža dzień projdzie karotkaja prahrama ŭ fihurnym katańni (Viktoryja Safonava, pačatak u 20.45)
18 lutaha ŭ harnałyžnym słałamie na start vyjdzie Maryja Škanava (12:00). 19 lutaha, u čaćvier, — advolnaja prahrama ŭ fihurnym katańni a 21.00.
Na minułaj Zimovaj Alimpijadzie ŭ 2022 hodzie biełarusy zavajavali dva miedali: srebra Hanny Huśkovaj u frystajle i Antona Smolskaha ŭ bijatłonie. Ale tam udzielničali 29 spartoŭcaŭ.
Całkam mahčyma, što Hulni-2026 buduć pieršaj Zimovaj Alimpijadaj z 1994 hoda, ź jakoj biełarusy viernucca bieź miedaloŭ.
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary