Franak Viačorka i Alaksandr Dabravolski pierajazdžajuć u Varšavu razam ź Cichanoŭskaj
Dyrektaram vilenskaha ofisa budzie Dzianis Kučynski.
Pavodle paviedamleńnia pres-słužby Ofisa Śviatłany Cichanoŭskaj, jon pašyraje svaju dziejnaść u Polščy.
Na hetym tydni demakratyčnaja lidarka pačała pracu ŭ Varšavie, dzie nieŭzabavie adkryjecca novy ofis, jaki budzie funkcyjanavać paralelna z ofisam u Vilni.
Častka kamandy pierajedzie ŭ polskuju stalicu — najpierš tyja supracoŭniki, jakija dobra vałodajuć polskaj movaj i aryjentujucca ŭ miascovym kantekście. Siarod ich — hałoŭny daradca Franak Viačorka i staršy daradca Alaksandr Dabravolski.
Heta, jak miarkujecca, pavinna ŭmacavać uzajemadziejańnie z Polščaj. Ciapier iduć sustrečy z pradstaŭnikami biełaruskaj dyjaspary i padrychtoŭka ofisnaj prastory da pačatku pracy.
Pry hetym ofis u Vilni praciahnie svaju dziejnaść, zachavaŭšy rehistracyju i dypłamatyčnuju akredytacyju. Śviatłana Cichanoŭskaja adznačyła, što budzie rehularna naviedvać Litvu i ličyć Vilniu važnym dypłamatyčnym centram, a taksama adnym z klučavych miescaŭ pracy biełaruskich demakratyčnych sił i hramadzianskaj supolnaści.
Značnaja častka kamandy, u tym liku mižnarodny departamient, zastaniecca pracavać u Litvie. Kiraŭnikom vilenskaha ofisa pryznačany daradca pa dypłamatyčnych pytańniach Dzianis Kučynski.
Dekłarujecca, što ofis praciahnie pracu dziela vyzvaleńnia palitviaźniaŭ i spynieńnia represij, budzie zajmacca prablemami biełarusaŭ za miažoj i ŭnutry krainy, pryciahvać mižnarodnuju ŭvahu da situacyi ŭ Biełarusi, padtrymlivać niezaležnyja miedyja, kulturnyja i adukacyjnyja prajekty i spryjać nabližeńniu demakratyčnych źmienaŭ.
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Śviatłana Cichanoŭskaja naviedała šełtar dla byłych palitźniavolenych u Varšavie
Pryznačany namieśnik pradstaŭnicy pa moładzievaj palitycy i studenctvie va ŭradzie Cichanoŭskaj
Daradca Cichanoŭskaj pravioŭ dźvie sustrečy ŭ Biełym domie
Cichanoŭskaja sustrełasia ź Viktaram Babarykam
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary