Kalinoŭcy vypuścili film z sapraŭdnymi kadrami padrychtoŭki da šturmu
Połk Kalinoŭskaha źniaŭ šmatsieryjny film-dziońnik «Tydzień na froncie». Pieršuju častku prajekta pra žyćcio i bai biez ratacyj užo možna ŭbačyć u siecivie.
Pieršaja sieryja dziońnika maje nazvu «Vorah u kiłamietry: žyćcio i bajavaja praca biez ratacyj». Kalinoŭcy abiacajuć pakazać u joj realnyja kadry z bajavoj pazicyi na Zaparožskim kirunku, dzie biełaruskija vajary trymajuć vuzki, ale važny ŭčastak. Na tym adcinku da rasijskich vojskaŭ zastajecca kiłamietr-paŭtara, i ŭ kalinoŭcaŭ idzie padrychtoŭka da šturmu.
U videa jość kadry z padvała, dzie vajary zładzili sabie časovy dom — ahlad taho sutareńnia jany iranična nazyvajuć rum-turam. Pakazali miescy dla snu i tak zvany «centr žyćcia» — terminał Starlink.
Vajary nie chavajuć ad kamiery emocyi. Dobraachvotnik Kos, jaki viadzie apovied u filmie, tłumačyć heta:
«Hrafik dziažurstvaŭ na pazicyi źmianiajecca ŭ zaležnaści ad aktyŭnaści na kirunku. Hetaj nočču nas niekalki razoŭ padymali dla stralaniny z hranatamiota.
Son pastajanna pierapyniajecca, narmalna vyspacca składana. Tamu nastroj u vajaroŭ płavaje».
U filmie pakazvajuć nie tolki momanty bajoŭ, ale i chviliny zacišša, kali ŭ vajaroŭ jość mahčymaść spakojna pahavaryć. Abmiarkoŭvajuć jany roznaje — ad viehanstva, jakoha prytrymlivajecca adzin z vajaroŭ, da žartoŭnaj suviazi hurta «Navibend» i partyi AHP.
U druhoj sieryi pradstaŭniki pałka abiacajuć raskazać pra šturm, jaki raspačaŭsia ŭ nastupnyja dni paśla padziej pieršaj sieryi.
«Naša Niva» — bastyjon biełaruščyny
PADTRYMAĆ
Kamientary