«Mocnyja sutarhi pa ŭsim ciele». 18‑hadovy Maćviej raskazaŭ, jak jaho ŭdaryła tokam u minskim tralejbusie
Niadaŭna stała viadomaja historyja, jak dniom 27 studzienia ŭ Minsku ŭ tralejbusie № 44 pasažyrku ŭdaryła tokam. Paciarpieła dziaŭčyna Dyjana, jakaja paśla hetaha incydentu trapiła na lačeńnie ŭ kardyjałohiju. Pry hetym paviedamlałasia, što ŭ hetaj spravie byŭ jašče adzin paciarpieły. Ciapier 18‑hadovy Maćviej raskazaŭ svaju historyju «Anłajnieru».
«Ja tolki stupiŭ na mietaličny parožak, jak adrazu adčuŭ bol u nazie i ŭpaŭ u łužynu pamiž bardziuram i tralejbusam. Pakolki naha zastavałasia na tym parozie, mianie pačało ŭsiaho treści. Prytomnaść ja nie stračvaŭ. Pa adčuvańniach toje, što adbyvałasia, možna apisać jak mocnyja sutarhi pa ŭsim ciele. Było baluča.
Dzijanu adciahnuli, bo jana znachodziłasia ŭ samim tralejbusie, a ja zachras u hetaj jamcy, i mianie adciahnuć nichto nie moh. Mahčyma, ludzi dumali, što ŭ mianie prypadak epilepsii. Kali kiroŭca zrazumieŭ, što zdaryłasia, jon adklučyŭ tralejbus», — raskazvaje Maćviej.
Daktary ŭstanavili: u chłopca «ŭździejańnie toku biez elektratraŭmy». U toj ža dzień Maćviej viarnuŭsia dadomu. Paśla zdareńnia jaho vyklikali ŭ milicyju, ź im taksama sustrakalisia supracoŭniki «Minsktransa»:
«Mnie prynieśli prabačeńni i skazali, što budzie vypłačana hrašovaja kampiensacyja. Treba tolki sabrać dakumienty dla strachavoj.
Jak mnie patłumačyli, u tralejbusie jość try barjery abarony, kab čałaviek nie paciarpieŭ ad uździejańnia toku. I sol, jakoj uzimku pasypajuć darohi, adzin z barjeraŭ raźjeła. Praz heta nas i ŭdaryła tokam. Humovaja padešva nie vyratavała, bo na joj, jak i na płatformie, taksama była sol».
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA25
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary
Na 2026 h. zapłanirovana postavka 96 trollejbusov novoho tipa (t.ie. odinočnych elektrobusov tipa IMC). Sobstvienno, imienno takije mašiny rabotali užie nieskolko let na maršrutie № 44 (nie ponimaju, kuda oni razom dieliś v koncie prošłoho hoda). Odnoznačno, oni popadut i v TP-4. T.č. nadiejemsia, čto k śledujuŝiej zimie situacija iźmienitsia.