Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
Kamandzir 1‑ha korpusa «Azoŭ» Nacyjanalnaj hvardyi Ukrainy Dzianis Prakapienka napisaŭ u fejsbuku pra toje, jak namieśnik načalnika HRU Minabarony Rasii Uładzimir Alaksiejeŭ, na jakoha siońnia ŭ Maskvie zrabili zamach, byŭ źviazany z asabistymi losami jaho samoha i pabracimaŭ.
Jak śćviardžaje Prakapienka, u mai 2022 hoda pieršy namieśnik načalnika HRU Uładzimir Alaksiejeŭ byŭ staršym z pradstaŭnikoŭ Rasii na pieramovach padčas vychadu maryupalskaha harnizona z «Azoŭstali».
Hienierał abiacaŭ azoŭcam vykanańnie rasijanami Ženieŭskaj kanviencyi ab abychodžańni z vajennapałonnymi i harantavaŭ narmalnyja ŭmovy ŭtrymańnia dla ŭkrainskich pałonnych. I mienavita jaho podpis stajaŭ pad adpaviednym dakumientam, padpisanym tady ŭ Maryupali.
«Słova aficera, uradženca Vińniččyny, zdradnika svajoj Baćkaŭščyny, akazałasia ničoha nie vartym. Rehularnyja katavańni pałonnych azoŭcaŭ, adsutnaść miedycynskaj dapamohi i hoład — tamu paćviardžeńnie. Navat kali hetym razam Alaksiejeŭ vyžyvie, spakojna jon užo nie budzie spać. I adnojčy sprava budzie daviedziena da kanca», — napisaŭ Dzianis Prakapienka.
Namieśnika kiraŭnika HRU Uładzimira Alaksiejeva sprabavali zabić siońnia kala 7‑j hadziny ranicy — u liftavym chole jaho doma na Vałakałamskaj šašy. Zaraz jon znachodzicca ŭ balnicy pad aparatam štučnaj vientylacyi lohkich — stan aceńvajecca jak nadzvyčaj ciažki.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
cikava , a tut niechta ździŭleny ? , kali maskavity pa inšamu vajavali ? ja takich prykładaŭ nie viedaju. tamu, Dekanizacyja maskoŭskaj impieryi )— adziny šlach spynić maskoŭskija zavajoŭnickija hazi- vojny. I ja maju na ŭvazie nie pucinski impieryjalizm, a maskoŭski impieryjalizm AHUŁAM — ad navalnaha, puškina i sałžanicyna da duhina i brodskaha.