U Vaŭkavyŭsku prakuror raspačaŭ kryminalnuju spravu suprać 41‑hadovaha miascovaha žychara, jaki pjanym pasvaryŭsia sa svaim 15‑hadovym synam i pačaŭ jaho dušyć, piša BiełTA.
Incydent adbyŭsia 1 studzienia 2026 hoda kala 20:00. Padčas kanfliktu padletak na niekatory čas straciŭ prytomnaść.
Junak uspryniaŭ dziejańni baćki jak realnuju pahrozu žyćciu i źviarnuŭsia ŭ milicyju. Maci ŭ hety čas doma nie było. Padstavaj dla kanfliktu było nibyta niežadańnie padletka ŭdzielničać u vyśviatleńni adnosin z kavaleram siastry.
Pavodziny baćki, jak adznačyli ŭ prakuratury, stvarali pahrozu žyćciu i zdaroŭju čałavieka i tyčylisia asnoŭnych intaresaŭ dziaržavy i hramadstva, tamu sprava była raspačataja biez zajavy ad paciarpiełaha.
Pavodle artykuła 186 Kryminalnaha kodeksa, mužčynu inkryminujecca pahroza zabojstvam.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary
Zdaŭ baćku( Niachaj tady dziaržava jamu budzie zamiest baćki!