Mužčyna sprabavaŭ zamović zabojstva dziaŭčyny, kab adpomścić za śmierć syna
Žychar Bahušeŭska sprabavaŭ arhanizavać zabojstva dziaŭčyny, jakuju ličyŭ vinavataj u hibieli svajho syna, — u vyniku jon trapiŭ u sietku padstaŭnoha kilera i sam atrymaŭ termin.
Padrabiaznaści rezanansnaj spravy raskazaŭ haziecie «Vićbičy» śledčy, jaki raskryŭ złačynstva.
Trahiedyja adbyłasia ŭ mai 2018 hoda. U DTZ zahinuli dvoje maładych ludziej. Aŭtamabilem kiravała znajomaja kampanii, jakaja niadaŭna atrymała pravy. Na zakruhleńni darohi jana straciła kiravańnie, vyjechała na sustrečnuju pałasu i sutyknułasia z «Nivaj». Dziaŭčyna-pasažyrka zahinuła na miescy, a chłopiec paźniej pamior u balnicy.
Śledstva ŭstanaviła, što avaryja zdaryłasia pa vinie vadzicielki. Sud pryhavaryŭ jaje da piaci hadoŭ pazbaŭleńnia voli ŭ kałonii-pasieliščy. Asudžanaja pryznała vinu i nie abskardziła prysud.
Adnak baćka zahinułaha chłopca ličyŭ pakarańnie zanadta miakkim i vyrašyŭ adpomścić. Pavodle danych śledstva, mužčyna praz znajomych pačaŭ šukać vykanaŭcu dla zabojstva. Za raspravu nad žančynaj jon abiacaŭ uznaharodu $1000.
Sproba znajści kilera pryviała da taho, što mužčyna apynuŭsia pad kantrolem milicyi: čałaviek, jaki pradstaviŭsia najmanym zabojcam, na samoj spravie supracoŭničaŭ z orhanami. Zakazčyk nakiravaŭ jaho ŭ miesca adbyćcia pakarańnia asudžanaj, kab toj sfatahrafavaŭ «achviaru» i paćvierdziŭ, što heta patrebny čałaviek.
Paźniej apieratyŭniki insceniravali zabojstva i pradstavili zakazčyku padroblenyja dokazy. Paśla hetaha mužčynu zatrymali pry sprobie raźličycca z «kileram».
U adnosinach da mužčyny była zaviedziena kryminalnaja sprava. Sud pryznaŭ jaho vinavatym u arhanizacyi zakaznoha zabojstva i pryhavaryŭ da šaści hadoŭ pazbaŭleńnia voli. Svoj termin jon užo adbyŭ, jak i vinavataja ŭ tym samym DTZ — abodva bolš nie žyvuć u Bahušeŭsku.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje25
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary