Vydaviectva «Kamunikat» vypuściła ŭ sieryi «Paety płaniety» knihu vybranaha Nasty Kudasavaj «Liryka».
U zbornik uvajšło 100 vieršaŭ — ad tekstaŭ 2001 hoda da najnoŭšych tvoraŭ. Prezientacyja novaha vydańnia adbudziecca 15 lutaha na paetyčnym fiestyvali «Vieršy na asfalcie», piša Bellit.info.
Nasta Kudasava — adna z najviadomiejšych paetak sučasnaj biełaruskaj litaratury. Jaje tvorčaść spałučaje viernaść kłasičnaj formie sa śmiełaj vobraznaściu i vyklučnaj čułaściu da słova. Knihi vieršaŭ «Majo nievymaŭla» i «Pobač» prynieśli aŭtarcy prestyžnyja litaraturnyja ŭznaharody i šyrokuju čytackuju luboŭ. Naradziłasia ŭ Rahačovie, ciapier žyvie ŭ Hdyni.
Aŭtarka padzialiłasia navinoj u sacsietkach i padziakavała redaktaru Andreju Chadanoviču, vydaŭcu Jarasłavu Ivaniuku i ŭsim, chto spryčyniŭsia da źjaŭleńnia novaj knihi.
Pieršaja prezientacyja adbudziecca ŭ Varšavie padčas Mižnarodnaha paetyčnaha fiestyvalu «Vieršy na asfalcie» pamiaci Michasia Stralcova 15 lutaha ŭ 17:40 (Muziej Volnaj Biełarusi, ul. Foksal. 11)
Knihu možna budzie nabyć na fiestyvali, a taksama ŭ anłajn-kniharni vydaviectva.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary