Выдавецтва «Камунікат» выпусціла ў серыі «Паэты планеты» кнігу выбранага Насты Кудасавай «Лірыка».
У зборнік увайшло 100 вершаў — ад тэкстаў 2001 года да найноўшых твораў. Прэзентацыя новага выдання адбудзецца 15 лютага на паэтычным фестывалі «Вершы на асфальце», піша Bellit.info.
Наста Кудасава — адна з найвядомейшых паэтак сучаснай беларускай літаратуры. Яе творчасць спалучае вернасць класічнай форме са смелай вобразнасцю і выключнай чуласцю да слова. Кнігі вершаў «Маё невымаўля» і «Побач» прынеслі аўтарцы прэстыжныя літаратурныя ўзнагароды і шырокую чытацкую любоў. Нарадзілася ў Рагачове, цяпер жыве ў Гдыні.
Аўтарка падзялілася навіной у сацсетках і падзякавала рэдактару Андрэю Хадановічу, выдаўцу Яраславу Іванюку і ўсім, хто спрычыніўся да з’яўлення новай кнігі.
Першая прэзентацыя адбудзецца ў Варшаве падчас Міжнароднага паэтычнага фестывалю «Вершы на асфальце» памяці Міхася Стральцова 15 лютага ў 17:40 (Музей Вольнай Беларусі, ul. Foksal. 11)
Кнігу можна будзе набыць на фестывалі, а таксама ў анлайн-кнігарні выдавецтва.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары